தூங்கவனத்தில் கமல் - த்ரிஷா சண்டைக் காட்சிகள்

'தூங்காவனம்' படத்துக்காக நடிகர் கமல்ஹாசன், நடிகை த்ரிஷா இருவரும் சண்டை போடும் முக்கியக் காட்சி ஒன்று படமாக்கப்பட்டுள்ளது.

ஒரு ரெஸ்டாரன்ட்டின் சமையலறையில் நடைபெறும் இந்த காட்சி கமலும் த்ரிஷாவும் ஒருவரை ஒருவர் தாக்குவது போல அமைக்கப்பட்டுள்ளது. இந்த சண்டைக்காட்சியை பிரெஞ்சு சண்டைக் கலைஞர்கள் அமைத்துள்ளனர்.

பிரெஞ்சு ஆக்‌ஷன் படமான 'ஸ்லீப்லெஸ் நைட்' படத்தின் ரீமேக் தூங்காவனம் என்பது குறிப்பிடத்தக்கது. இதில் கமல் போலீஸாக நடிக்கிறார். த்ரிஷா இதுவரை ஏற்காத பாத்திரத்தை ஏற்று நடித்துள்ளார். பிரகாஷ் ராஜ், கிஷோர், சம்பத் ராஜ், ஆஷா சரத், மதுஷாலினி, யூகிசேது உள்ளிட்ட நடிகர்களும் இத்திரைப்படத்தில் உள்ளனர்.

கமல்ஹாசனின் நீண்ட நாள் உதவி இயக்குநரான ராஜேஷ் எம் செல்வா இந்தப் படத்தை இயக்கியுள்ளார். தற்போது படப்பிடிப்பு முடிந்து டப்பிங் உள்ளிட்ட இறுதிகட்ட வேலைகள் நடந்து வருகின்றன. தீபாவளிக்கு படம் வெளியாகலாம் என தயாரிப்பு தரப்பு தெரிவித்துள்ளது.