மருத்துவமனையில் இளையராஜாவுக்கு தொடர்ந்து சிகிச்சை

திரைப்பட இசையமைப்பாளர் இளையராஜா (72) திடீர் உடல் நலக் குறைவு காரணமாக சென்னை தனியார் மருத்துவ மனையில் அனுமதிக்கப்பட் டுள்ளார். இதயத்தில் ஏற்பட்ட ரத்த ஓட்ட பிரச்சினையால் மருத்துவர்கள் அவருக்கு தொடர்ந்து சிகிச்சை அளித்து வருகின்றனர்.

கடந்த வெள்ளிக்கிழமை அன்று தனது புதிய இணையதளம் மற்றும் யூடியூப் சேனலை தொடங்கினார், இளையராஜா. அன்று இரவு திடீரென அவருக்கு சோர்வு ஏற்பட்டது. இதனை அடுத்து உடனடியாக தனியார் மருத்துவமனையில் சேர்க்கப்பட்டார். அங்கு அவரை தொடர்ந்து சில நாட்கள் தங்கி மருத்துவ சிகிச்சைப் பெற மருத்துவர்கள் அறிவுறுத்தி யுள்ளனர். அத்துடன் சிலநாள் அவரை ஓய்வில் இருக்குமாறும் மருத்துவர்கள் கேட்டுக் கொண்டுள்ளதாக தகவல்கள் தெரிவிக்கின்றன.

கடந்த 2013-ம் ஆண்டு இதய ரத்த ஓட்ட பாதிப்பால் சிகிச்சை பெற்று வீடு திரும் பிய இளையராஜா தற்போது மீண்டும் உடல்நலக் குறை வால் மருத்துவமனையில் அனுமதிக்கப்பட்டிருக்கிறார்.