Published : 22 Mar 2020 16:01 pm

Updated : 22 Mar 2020 16:01 pm

 

Published : 22 Mar 2020 04:01 PM
Last Updated : 22 Mar 2020 04:01 PM

அனிருத்துடன் ஒப்பிட்டு உருவ கேலி: பாவனா சாடல்

bhavna-tweet

அனிருத்துடன் ஒப்பிட்டு உருவ கேலி செய்து வெளியான மீம்ஸுக்கு பாவனா தனது ட்விட்டர் பதிவில் பதிலடி கொடுத்துள்ளார்.

பல்வேறு நிகழ்ச்சிகளைத் தொகுத்து வழங்கி வருபவர் பாவனா. முதலில் விஜய் தொலைக்காட்சியில் நிகழ்ச்சித் தொகுப்பாளராகப் பணிபுரிந்து வந்தார். இப்போது ஸ்டார் ஸ்போர்ட்ஸ் தமிழில் வர்ணனையாளராகப் பணிபுரிந்து வருகிறார்.


சமீபத்தில் நடைபெற்ற 'மாஸ்டர்' படத்தின் இசை வெளியீட்டையும் ஆர்.ஜே.விஜய்யுடன் இணைந்து தொகுத்து வழங்கினார். சில காலங்களாக இவரையும் அனிருத்தையும் ஒப்பிட்டு உருவ கேலி செய்து மீம்ஸ் ஒன்று இணையத்தில் உலவி வருகிறது. அதாவது அனிருத்துக்குப் பெண் வேடமிட்டால் அவர் பாவனா போல் இருப்பார் என்று அந்த மீம் இருந்தது.

இந்த மீம் தொடர்பாக பாவனா தனது ட்விட்டர் பதிவில், "நம் ஒவ்வொருவருக்கும் கடவுள் கொடுத்த ஒரு முகம் உள்ளது. நான் எப்படி இருக்கிறேன் என்பதே எனக்குப் பெருமை. அனிருத்தும் இதேபோல உணர்வார் என்று உறுதியாக நம்புகிறேன்.

நகைச்சுவையாக நாம் எடுத்துக் கொள்ளலாம், ஆனால் அது ரீட்வீட்களையும் சில சிரிப்புகளையும் பெறும் ஒரு ஆயுதமாகி விடக் கூடாது. நான் எதையும் எளிதாக எடுத்துக் கொள்பவள்தான். ஆனால், எளிய இலக்கு கிடையாது. நகைச்சுவை யாரையும் காயப்படுத்தக் கூடாது” என்று பதிவிட்டுள்ளார் பாவனா.

அன்பு வாசகர்களே....


வரும் ஏப்ரல் 14 வரை வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!



அனிருத்பாவனாபாவனா பேட்டிபாவனா சாடல்பாவனா ட்வீட்அனிருத் உருவக்கேலி

Sign up to receive our newsletter in your inbox every day!

You May Like

More From This Category

More From this Author