Published : 21 Mar 2020 15:26 pm

Updated : 21 Mar 2020 15:26 pm

 

Published : 21 Mar 2020 03:26 PM
Last Updated : 21 Mar 2020 03:26 PM

அவதூறு பதிவுகள் செய்வோரையும் கை கழுவுங்கள்: விவேக்

vivek-tweet

கரோனா வைரஸ் அச்சம் தொடர்பாக அவதூறு பதிவுகள் செய்வோரையும் கை கழுவுங்கள் என்று விவேக் தனது ட்விட்டர் பதிவில் தெரிவித்துள்ளார்.

கரோனா வைரஸ் பரவலைத் தடுக்க உலக நாடுகள் பல்வேறு நடவடிக்கைகளை எடுத்து வருகின்றன. கரோனா வைரஸ் பரவலில் இந்தியா தற்போதும் 2-ம் கட்டத்தில் இருப்பதால், அதற்குள் கட்டுப்படுத்த மத்திய அரசு தீவிரமான முயற்சிகளை எடுத்து வருகிறது. பள்ளி, கல்லூரிகளுக்கு மார்ச் 31-ம் தேதி வரை விடுமுறை அறிவித்த மத்திய அரசு, திரையரங்குகள், மக்கள் கூடுமிடங்கள், ஷாப்பிங் மால்கள் போன்றவற்றை வரும் 31-ம் தேதிவரை திறக்கத் தடை விதித்தது.


மேலும், கரோனா வைரஸ் தொற்று குறித்து பல்வேறு வதந்திகள் உலவி வருகிறது. இது தொடர்பாகப் பலரும் இந்தச் செய்தி நம்பகமானதா என்று தெரியாமல், பலருக்கும் பார்வேர்டு செய்து வருகிறார்கள். இது தொடர்பாகத் தமிழக அரசு வதந்தி பரப்புவோருக்கு எச்சரிக்கை விடுத்துள்ளது.

இதனிடையே இது தொடர்பாக விவேக் தனது ட்விட்டர் பதிவில் கூறியிருப்பதாவது:

”கரோனாவை விட மிகப் பெரிய அச்சுறுத்தல் எதுவெனில் எதிர்மறை, அவநம்பிக்கை, ஆதாரமற்ற தரவு, பீதி கிளப்பும் வதந்திகளைப் பரப்பும் பதிவுகளே. நாம் மனதால் ஒன்றுபட்டும், உடலால் தனித்தும் இயங்க வேண்டிய தருணம் இது. செய்வோம்.வெளியே போகக் கூடாது எனில் உள்ளே போவோம்!ஆம்! தியானம்.

நாம் இரண்டு நல்ல விஷயங்களைத் தொடர்ந்து செய்வோம். 1. அடிக்கடி சோப் போட்டு கைகளைக் கழுவுதல் 2. எதிர்மறை மற்றும் அவதூறு பதிவுகள் செய்வோரைக் கை கழுவுவது. ஒன்று உடல் நலம் காக்கும் மற்றொன்று மன நலம் காக்கும். எதற்கும் கவலைப்படாமல் சந்தோஷமாகப் பத்திரமாக இருங்கள்”

இவ்வாறு விவேக் தெரிவித்துள்ளார்.

அன்பு வாசகர்களே....


வரும் ஏப்ரல் 14 வரை வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!



கரோனா அச்சம்கரோனா முன்னெச்சரிக்கைகரோனா வைரஸ்கரோனா வைரஸ் தொற்றுகரோனாவிவேக் ட்வீட்விவேக் பதிவுவிவேக் பேட்டிகரோனா குறித்து அவதூறுகள்

Sign up to receive our newsletter in your inbox every day!

You May Like

More From This Category

More From this Author