ஓடம். இளவரசு இயக்கத்தில் அதர்வா, சூரி நடித்திருக்கும் 'ஜெமினிகணேசனும் சுருளிராஜனும்' படத்தின் ஃபர்ஸ்ட் லுக் வெளியிடப்பட்டது.
'தெய்வ வாக்கு', 'ராசய்யா', 'மரியாதை', 'சரோஜா', 'அரவான்' உள்ளிட்ட பல படங்களைத் தயாரித்த நிறுவனம் அம்மா கிரியேஷன்ஸ். இந்நிறுவனத்தினர் 2015-ல் தங்களது 25வது ஆண்டை கொண்டாடி வருகிறார்கள்.
25வது ஆண்டை முன்னிட்டு 2MB மற்றும் பிக் பிரிண்ட் பிக்சர்ஸ் ஆகிய நிறுவனங்களுடன் இணைந்து அம்மா கிரியேஷன்ஸ் நிறுவனம் படம் ஒன்றை தயாரித்து வருகிறார்கள்.
அதர்வா, சூரி, 'நான் கடவுள்' ராஜேந்திரன், ஐஸ்வர்யா ராஜேஷ், ரெஜினா, ப்ரணீதா உள்ளிட்ட பலர் நடித்து வரும் இப்படத்தின் படப்பிடிப்பு வேகமாக நடைபெற்று வருகிறது. டிசம்பரில் இப்படத்தை வெளியிட படக்குழு முடிவு செய்திருக்கிறது.
'ஜெமினிகணேசனும் சுருளிராஜனும்' என பெயரிடப்பட்டு இருக்கும் இப்படத்தின் ஃபர்ஸ்ட் லுக் இணையத்தில் வெளியிடப்பட்டது.