உதயநிதிக்கு வில்லனாக நடிக்க சமுத்திரக்கனியிடம் பேச்சுவார்த்தை

பிரியதர்ஷன் இயக்கத்தில் உருவாகவுள்ள படத்தில் உதயநிதிக்கு வில்லனாக நடிக்க சமுத்திரக்கனியிடம் பேச்சுவார்த்தை நடத்தியுள்ளது படக்குழு.

'சரவணன் இருக்க பயமேன்' படத்தைத் தொடர்ந்து, உதயநிதி ஸ்டாலின் நடித்துள்ள 'பொதுவாக எம்மனசு தங்கம்' மற்றும் 'இப்படை வெல்லும்' ஆகிய படங்களின் இறுதிகட்ட பணிகள் நடைபெற்று வருகிறது.

இவ்விரண்டு படங்களைத் தொடர்ந்து பிரியதர்ஷன் இயக்கத்தில் உருவாகவுள்ள படத்தில் நடிக்க தேதிகள் ஒதுக்கியுள்ளார் உதயநிதி. நமீதா ப்ரமோத், எம்.எஸ்.பாஸ்கர் ஆகியோர் ஒப்பந்தம் செய்யப்பட்டுள்ள இப்படத்தின் வில்லனாக நடிக்க சமுத்திரக்கனியிடம் பேச்சுவார்த்தை நடத்தியுள்ளது படக்குழு.

இப்படத்தின் படப்பிடிப்பு தேதிகள் முடிவானவுடன், ஒப்பந்தத்தில் கையெழுத்திடுவார் என்று படக்குழுவினர் சார்பில் தெரிவித்தார்கள். 'மகேஷிண்டே பிரதிகாரன்' மலையாள படத்தை தழுவி உருவாகவுள்ள இப்படத்தின் முழுப்படப்பிடிப்பையும் தேனியைச் சுற்றியே முடிக்க படக்குழு திட்டமிட்டுள்ளது.