அல்போன் புத்திரன் இயக்கத்தில் அருண்விஜய் நடிக்கவிருக்கும் படம் தற்காப்புக் கலை சம்பந்தப்பட்ட படம் என தகவல் வெளியாகியுள்ளது.
'நேரம்', 'ப்ரேமம்' உள்ளிட்ட படங்களை இயக்கி மலையாள சினிமாவில் கவனிக்கத்தக்க இயக்குநராக வலம் வருபவர் இயக்குநர் அல்போன்ஸ் புத்திரன். இவர் இயக்கிய இரண்டு படங்களிலுமே நிவின் பாலி தான் நாயகனாக நடித்தார்.
'ப்ரேமம்' திரைப்படம் தற்போது வரை சென்னை சத்யம் திரையரங்கில் திரையிட்டு வருவது குறிப்பிடத்தக்கது. ஒரு காட்சியாக திரையிடப்பட்டு வந்தது புத்தாண்டு முதல் இரண்டு காட்சிகளாக அதிகரித்து இருக்கிறார்கள்.
இந்நிலையில், தனது அடுத்த படமாக தற்காப்பு கலை சம்பந்தப்பட்ட கதையை ஒன்றை எழுதி இருக்கிறார் அல்போன்ஸ் புத்திரன். அப்படத்தின் நாயகனாக நடிக்க அருண் விஜய்யிடம் பேச்சுவார்த்தை நடத்தி இருக்கிறார். மேலும், நிவின் பாலியும் முக்கிய வேடத்தில் நடிப்பார் என்கிறது அவருக்கு நெருங்கிய வட்டாரம்.
'நேரம்' படம் போலவே தனது அடுத்த படத்தை தமிழ் மற்றும் மலையாளம் என இரண்டு மொழிகளிலும் இயக்கத் திட்டமிட்டு இருக்கிறார் அல்போன்ஸ் புத்திரன்.