அனிருத்தின் நெருங்கிய நண்பரும் பாடகருமான ஹிப் ஹாப் ஆதி 'இன்று நேற்று நாளை' படத்தின் மூலமாக இசையமைப்பாளராக அறிமுகமாகிறார்.
'ஜீவா' படத்திற்கு கிடைத்திருக்கும் வரவேற்பைத் தொடர்ந்து, தனது அடுத்த படத்தை தொடங்கியிருக்கிறார் நடிகர் விஷ்ணு.
கார்த்திக் சுப்புராஜிடம் இணை இயக்குநராக பணியாற்றிய ரவி இயக்கவிருக்கும் 'இன்று நேற்று நாளை' படத்தில் நாயகனாக விஷ்ணு ஒப்பந்தமாகி இருக்கிறார். இப்படத்தின் காமெடியனாக கருணாகரன் ஒப்பந்தமாகி உள்ளார்.
இப்படத்தின் இசையமைப்பாளராக அறிமுகமாகிறார் ஹிப் ஹாப் ஆதி. தனியாக பாடல்கள் ஆல்பம் மற்றும் அனிருத் இசையில் பல்வேறு பாடல்கள் பாடியிருக்கிறார் ஆதி.
இப்படத்தை ஸ்டூடியோ க்ரீன் நிறுவனம் மற்றும் திருக்குமரன் என்டர்டெயின்மென்ட் நிறுவனம் இணைந்து தயாரிக்கிறது. விரைவில் இப்படத்தின் படப்பிடிப்பு தொடங்க இருக்கிறது.