விக்ரம் பிரபு நடிப்பில் உருவாகி இருக்கும் 'சத்ரியன்', ஜுன் 9ம் தேதி வெளியாகும் என படக்குழு அறிவித்துள்ளது.
எஸ்.ஆர்.பிரபாகரன் இயக்கத்தில் விக்ரம் பிரபு, மஞ்சிமா மோகன் உள்ளிட்ட பலர் நடிப்பில் உருவாகியுள்ள படம் 'சத்ரியன்'. யுவன் இசையமைத்துள்ள இப்படத்தை சத்யஜோதி நிறுவனம் தயாரித்துள்ளது.
இப்படத்தின் அனைத்துப் பணிகளும் முடிந்து தணிக்கைக்கு விண்ணப்பித்தார்கள். 'யு' சான்றிதழ் கிடைத்தவுடன், சரியான வெளியீட்டு தேதிக்காக காத்திருந்தது படக்குழு.
முதலில் மே 19-ம் தேதி 'சத்ரியன்' வெளியாகும் என படக்குழு அதிகாரபூர்வமாக அறிவித்தது. ஆனால், தமிழ் திரையுலக வேலைநிறுத்தம் காரணமாக வெளியீட்டில் பின்வாங்கியது.
இந்நிலையில், வேலை நிறுத்தம் வாபஸ் பெறப்பட்டுள்ளதைத் தொடர்ந்து ஜுன் 9-ம் தேதி 'சத்ரியன்' வெளியாகும் என படக்குழு அதிகாரபூர்வமாக அறிவித்துள்ளது.
'சத்ரியன்' பணிகள் முடிவடைந்ததைத் தொடர்ந்து 'நெருப்புடா' மற்றும் 'பக்கா' ஆகிய படங்களில் கவனம் செலுத்தி வருகிறார் விக்ரம் பிரபு.