ரவி அரசு இயக்கத்தில் ஜி.வி.பிரகாஷ் நடிக்கவுள்ள படத்தில் மடோனா செபாஸ்டியன் நாயகியாக ஒப்பந்தம் செய்யப்பட்டுள்ளார்.
'4ஜி', 'சர்வம் தாளமயம்', 'அடங்காதே' உள்ளிட்ட படங்களில் கவனம் செலுத்தி வருகிறார் ஜி.வி.பிரகாஷ். மேலும் பொங்கலுக்கு வெளியாகவுள்ள 'ப்ரூஸ் லீ' படத்தின் இறுதிக்கட்டப் பணிகள் நடைபெற்று வருகின்றன.
இப்படங்களைத் தொடர்ந்து 'ஈட்டி' படத்தின் இயக்குநர் ரவிஅரசு கூறிய கதை பிடித்துவிடவே, தேதிகள் ஒதுக்கியிருக்கிறார் ஜி.வி.பிரகாஷ். இப்படத்தின் பெயர் அடங்கிய ஃபர்ஸ்ட் லுக் போஸ்டர் பொங்கல் வெளியீடாக வரவுள்ளது.
இப்படத்தின் நாயகி மற்றும் இதர தொழில்நுட்பக் கலைஞர்களை ஒப்பந்தம் செய்வதில் தீவிரம் காட்டி வருகிறது படக்குழு. இதன் நாயகியாக மடோனா செபாஸ்டியன் ஒப்பந்தம் செய்யப்பட்டு இருப்பதாக படக்குழுவினர் சார்பில் தெரிவித்தனர்.
இப்படத்தை 'ஆரஞ்சு மிட்டாய்' மற்றும் 'றெக்க' படங்களின் தயாரிப்பாளர் கணேஷ் தயாரிக்கவிருக்கிறார்.