தாமிரா - சமுத்திரக்கனி இணையும் ஆண் தேவதை பர்ஸ்ட் லுக் வெளியீடு

தாமிரா இயக்கத்தில் சமுத்திரக்கனி நடித்துள்ள 'ஆண் தேவதை' படத்தின் பர்ஸ்ட் லுக் போஸ்டரை படக்குழு வெளியிட்டுள்ளது.

'ரெட்டச்சுழி' படத்தைத் தொடர்ந்து சமுத்திரக்கனி, ரம்யா பாண்டியன், கவின், கஸ்தூரி உள்ளிட்ட பலர் நடிக்கும் 'ஆண் தேவதை' படத்தை இயக்கி வருகிறார் தாமிரா. இப்படம் முழுக்க சென்னை பின்னணியில் படமாக்கப்பட்டுள்ளது.

இன்றைய பரபரப்பான சூழலில் குழந்தை வளர்ப்பு, கணவன் மனைவி உறவு போன்றவை எந்த அளவுக்கு சிக்கலை எதிர்கொள்கின்றன. ஒரு தாயிடம் வளரும் குழந்தைக்கும் தந்தையிடம் வளரும் குழந்தைக்கும் என்ன வேறுபாடு? இன்று நிலவும் பொருளாதாரச் சூழலும், கடன் வாங்கும் மனப்பான்மையும் மனிதர்களை எந்த எல்லைக்கு அழைத்துச் செல்கிறது என்பதை இப்படத்தில் பேசிவுள்ளார்கள்.

'ஆண் தேவதை' படத்தின் பர்ஸ்ட் லுக் போஸ்டரை படக்குழு வெளியிட்டுள்ளது. மறைந்த பாலசந்தரின் மீது கொண்ட மதிப்பின் அடையாளமாக 'சிகரம் சினிமாஸ்' என்ற நிறுவனம் தொடங்கி இப்படத்தை ஃபக்ருதீனுடன் இணைந்து தயாரித்திருக்கிறார் தாமிரா.

இப்படத்தின் படப்பிடிப்பு முடிந்து, இறுதிக்கட்ட பணிகள் தீவிரமாக நடைபெற்று வருகின்றன. ஜிப்ரான் இசையமைத்துள்ள இப்படத்துக்கு விஜய்மில்டன் ஒளிப்பதிவு செய்துள்ளார்.