'சாமி' படத்தில் முடிவில் இருந்தே, 2ம் பாகத்துக்கான கதை தொடங்குவது போன்று அமைத்திருக்கிறார் இயக்குநர் ஹரி.
2003ம் ஆண்டு விக்ரம், த்ரிஷா, கோட்டா சீனிவாசராவ் உள்ளிட்ட பலர் நடிப்பில் வெளியான படம் 'சாமி'. ஹரி இயக்கத்தில் வெளியான இப்படத்துக்கு ஹாரிஸ் ஜெயராஜ் இசையமைத்திருந்தார். வசூல் ரீதியில் இப்படம் பெரும் வெற்றி பெற்றது.
தற்போது மீண்டும் ஹரி - விக்ரம் இணைப்பில் 'சாமி 2' உருவாக இருக்கிறது. இப்படத்தை 'இருமுகன்' படத்தின் தயாரிப்பாளர் ஷிபு தமீன்ஸ் தயாரிக்கவிருக்கிறார். அடுத்தாண்டு இப்படத்தின் படப்பிடிப்பு துவங்க இருக்கிறது.
வேறொரு கதைகளத்தைக் கொண்டு 2ம் பாகத்தை உருவாக்கும் இக்காலகட்டத்தில், 'சாமி' படத்தின் இறுதிக்காட்சியில் இருந்தே இரண்டாம் பாகத்தின் கதை துவங்குவது போன்று 'சாமி 2' படத்தை உருவாக்கி இருக்கிறார் இயக்குநர் ஹரி.
இதன் படப்பிடிப்பு 2017 ஜனவரியில் துவங்க இருக்கிறது. அதற்கு முன்பாக சிறுமுதலீடு படமொன்றில் நடிக்கவிருக்கிறார் விக்ரம். இதற்காக இயக்குநர்கள் சாக்ரடீஸ், அருண் குமார், மகிழ்திருமேனி ஆகியோரிடம் கதை கேட்டிருக்கிறார். இதில் யாரை இறுதி செய்யவிருக்கிறார் என்பதை விரைவில் அறிவிக்க இருக்கிறது படக்குழு.