விஜய் சேதுபதி படத்துக்கு இசையமைக்கும் சாய் அபயங்கர்

விஜய் சேதுபதி நடித்து வரும் படத்தின் இசையமைப்பாளராக சாய் அபயங்கர் பணிபுரிந்து வருகிறார்.

பாலாஜி தரணிதரன் இயக்கத்தில் விஜய் சேதுபதி நடித்து வரும் படத்தின் படப்பிடிப்பு சென்னையை சுற்றி நடைபெற்று வருகிறது. இதில் நாயகியாக லிஜோ மோல் ஜோஸ் நடித்து வருகிறார். அட்லி தயாரித்து வரும் இப்படத்தின் இசையமைப்பாளராக சாய் அபயங்கர் பணிபுரிந்து வருவது உறுதியாகி இருக்கிறது. இதனை பேட்டியொன்றில் உறுதிப்படுத்தி இருக்கிறார்.

இது தொடர்பாக சாய் அபயங்கர் அளித்த பேட்டியில், “80-களில் நடக்கும் ‘மார்ஷல்’ கதைக்கு இசையமைத்து வருகிறேன். அதனைத் தொடர்ந்து 60-களில் நடக்கும் கதையொன்றிலும் இசையமைப்பாளராக பணிபுரிந்து வருகிறேன். பாலாஜி தரணிதரன் இயக்கத்தில் விஜய் சேதுபதி நடித்து வருகிறார். இப்படத்தின் போது தான் அட்லி அண்ணாவை சந்தித்தேன்” என்று தெரிவித்துள்ளார். இதன் மூலம் விஜய் சேதுபதி படத்துக்கு சாய் அபயங்கர் இசையமைத்து வருவது உறுதியாகி இருக்கிறது.

அட்லி தயாரித்து வரும் இப்படத்தில் விஜய் சேதுபதி, லிஜோ மோல் ஜோஸ் இருவருடன் வேறு யாரெல்லாம் நடித்து வருகிறார்கள் என்ற தகவல் இன்னும் வெளியாகவில்லை. விரைவில் இப்படம் குறித்த அதிகாரபூர்வ தகவல் வெளியாகும் என எதிர்பார்க்கப்படுகிறது.