சென்னை: ஆர்.கே செல்லுலாய்ட்ஸ் நிறுவனம் மூலம் கே.எஸ்.ரவிகுமார் தயாரித்துள்ள படம், ‘ஹிட்லிஸ்ட்’. பிரபல இயக்குநர் விக்ரமன் மகன் விஜய்கனிஷ்கா அறிமுகமாகும் இந்தப் படத்தில் சரத்குமார் முக்கிய கதாபாத்திரத்தில் நடிக்கிறார். சூர்யகதிர், கே. கார்த்திகேயன் இணைந்து இயக்குகின்றனர்.
இதில் கவுதம் வாசுதேவ் மேனன், சமுத்திரக்கனி, முனிஷ்காந்த், சித்தாரா, ஸ்ம்ருதி வெங்கட், ஐஸ்வர்யா தத்தா, பாலசரவணன் உட்பட பலர் நடிக்கின்றனர். சி.சத்யா இசை அமைக்கிறார். ராம்சரண் ஒளிப்பதிவு செய்கிறார். இதன் படப்பிடிப்பு சமீபத்தில் நிறைடைந்தது. இந்நிலையில் இந்தப் படத்தின் டீஸரை, நடிகர் விஜய் சேதுபதி வெளியிட்டு சிறந்த ஆக்ஷன் படம் என்று பாராட்டியுள்ளார்.