சென்னை: நடிகர் சூர்யா இப்போது ‘கங்குவா’ படத்தில் நடித்து வருகிறார். சிறுத்தை சிவா இயக்கும் இந்தப் படத்தில் திஷா பதானி நாயகியாக நடிக்கிறார். ஸ்டூடியோ க்ரீன் மற்றும் யுவி கிரியேஷன்ஸ் தயாரிக்கும் இதில் சூர்யா பல வேடங்களில் நடிக்கிறார்.
இதன் கதை வெவ்வேறு காலகட்டங்களில் நடப்பதாகத் தகவல் வெளியாகியுள்ளது.இந்தப் படம் 10 மொழிகளில் வெளியாகஇருக்கிறது.
இப்போது இதன் படப்பிடிப்பு, சென்னை அருகே பிரம்மாண்ட செட் அமைத்து நடந்து வருகிறது. இதில் சுமார் 1500 நடனக் கலைஞர்கள் பங்கேற்கும் பாடல் காட்சியை படமாக்கி வருகின்றனர். இந்த காட்சி பிரம்மாண்டமாக இருக்கும் என்று படக்குழு தெரிவித்துள்ளது.சமீபத்தில் விஜய்யின் ‘லியோ’ படத்துக்காக 1000 நடனக் கலைஞர்கள் பங்கேற்ற பாடல் காட்சியை படமாக்கி இருந்தனர்.