டொவினோ தாமஸ், கயாது லோஹர் இணைந்து நடிக்கும் படத்துக்கு ‘பள்ளிச்சட்டம்பி’ என்று தலைப்பு வைத்துள்ளனர். இதில் விஜயராகவன், சுதீர் கரமண, பாபுராஜ், வினோத் கெடமங்கலம் உள்ளிட்ட பலர் முக்கிய கதாபாத்திரங்களில் நடிக்கின்றனர். டிஜோ ஜோஸ் ஆண்டனி இயக்கியுள்ள இந்தப் படத்துக்கு டிஜோ டோமி ஒளிப்பதிவு செய்துள்ளார். ஜேக்ஸ் பிஜாய் இசை அமைத்துள்ளார். 1950–60 காலகட்டத்தை அடிப்படையாகக்கொண்டு இப்படத்தின் கதை அமைக்கப்பட்டுள்ளது.
வேர்ல்ட்வைட் ஃபிலிம்ஸ் சார்பில் நவுஃபல் மற்றும் பிரிஜீஷ், சி க்யூப் ப்ரோஸ் என்டர்டெயின்மென்ட்ஸ் சார்பில் சாணக்கியா சைதன்யா சரண் ஆகியோர் தயாரிக்கின்றனர். இதில் டெவினோ தாமஸ் முற்றிலும் புதிய தோற்றத்தில் நடிக்கிறார். மலையாளத்தில் உருவாகும் இப்படம் தமிழ், தெலுங்கு, இந்தி, கன்னடம் என 5 மொழிகளில் வெளியிடப்பட இருக்கிறது. இப்படம் ஏப். 9-ல் வெளியாக உள்ளது.
