பிரபல கர்னாடக இசைப்பாடகி எம்.எஸ்.சுப்புலட்சுமியின் வாழ்க்கை கதை திரைப்படமாக இருக்கிறது. எம்.எஸ்.சுப்புலட்சுமி வேடத்தில் வித்யா பாலன் நடிக்க இருப்பதாக சில வருடங்களுக்கு முன் கூறப்பட்டது. பிறகு அதுபற்றிய தகவல் இல்லை.
இந்நிலையில் அவருடைய பயோபிக்கை பெங்களூரைச் சேர்ந்த நிறுவனம் ஒன்று தயாரிக்கிறது. படத்துக்கான முன் தயாரிப்பு பணிகள் ஏற்கெனவே தொடங்கிவிட்டதாகச் செய்திகள் வெளியான நிலையில், எம்.எஸ்.சுப்புலட்சுமியாக த்ரிஷா, நயன்தாரா, ராஷ்மிகா மந்தனா ஆகியோரில் ஒருவரின் பெயர் பரிசீலனையில் இருப்பதாகக் கூறப்பட்டது.
இந்நிலையில் அவர்கள் யாரும் இல்லாமல் நடிகை சாய் பல்லவி, எம்.எஸ்.சுப்புலட்சுமியாக நடிக்க இருக்கிறார் என்கிறார்கள். இந்த கதாபாத்திரத்துக்காக அவர், கர்னாடக இசையை கற்று வருகிறார். இப்படத்தைத் தெலுங்கில் ஜெர்ஸி, கிங்டம் படங்களை இயக்கிய கவுதம் தின்னனுரி இயக்குகிறார்.
