மோகான்லால் நடிப்பில் உருவாகி உள்ள ‘த்ரிஷ்யம் 3’ படத்தின் ட்ரெய்லரை படக்குழு வெளியிட்டுள்ளது. இது ஜார்ஜ் குட்டியின் அடுத்த த்ரில்லர் அத்தியாயமாக அமைந்துள்ளது.
ஜீத்து ஜோசப் இயக்கத்தில் மோகன்லால் நடிப்பில் உருவாகியுள்ள படம் ’த்ரிஷ்யம் 3‘. முதல் 2 பாகத்தின் பிரம்மாண்ட வெற்றியினால், இந்த பாகத்துக்கு பெரும் எதிர்பார்ப்பு உருவாகியுள்ளது. இதனை ஆசீர்வாத் சினிமாஸ், பென் ஸ்டூடியோஸ் மற்றும் பனோரமா ஸ்டூடியோஸ் ஆகிய நிறுவனங்கள் இணைந்து தயாரித்துள்ளன.
கடந்த 2013-ல் த்ரிஷ்யம் முதல் பாகம் வெளியாகி வரவேற்பை பெற்றது. தொடர்ந்து இதன் இரண்டாம் பாகமான ‘த்ரிஷ்யம் 2’ நேரடியாக ஓடிடி-யில் வெளியாகி நல்ல வரவேற்பை பெற்றது. இந்த சூழலில் தற்போது இதன் மூன்றாம் பாகமான ‘த்ரிஷ்யம் 3’ வரும் 21-ம் தேதி வெளியாக உள்ளது. இந்நிலையில், இதன் ட்ரெய்லரை படக்குழு இப்போது வெளியிட்டுள்ளது.
சுமார் 2.06 நிமிடங்கள் ரன் டைம் கொண்ட இந்த ட்ரெய்லரில் முதல் இரண்டு பாகங்கள் போலவே தனது குடும்பத்தை சூழ்ந்துள்ள அச்சுறுத்தலை தடுக்கவும், காக்கவும் செய்கிறார். இரண்டாவது பாகத்தில் இருந்து இந்த பாகத்தின் கதை தொடங்குகிறது. இதற்கு பார்வையாளர்கள் மத்தியில் நல்ல வரவேற்பு கிடைத்துள்ளது.
