ஆஸ்கர் விருது போட்டியில் ‘மகாவதார் நரசிம்மா’

விஷ்ணுவின் தீவிர பக்தனான பிரகலாதனின் கதையுடன் உருவான அனிமேஷன் திரைப்படம், ‘மகாவதார் நரசிம்மா’. அஸ்வின் குமார் இயக்கிய இப்படத்தை ஹோம்பாளே பிலிம்ஸ், கிளீம் புரொடக் ஷன்ஸ் நிறுவனத்துடன் இணைந்து தயாரித்தது.

5 மொழிகளில் வெளியான இப்படம், தெலுங்கு, இந்தியில் வரவேற்பைப் பெற்றுள்ளது. ரூ.15 கோடியில் உருவான இந்தப் படம், உலகம் முழுவதும் ரூ.310 கோடிக்கும் அதிகமாக வசூலித்தது. இந்நிலையில் இந்தப் படம், சிறந்த அனிமேஷன் படத்துக்கான ஆஸ்கர் விருது பட்டியலில் இடம்பெற்றுள்ளது.

2026-ம் ஆண்டு ஆஸ்கர் விருதுக்கான, சிறந்த அனிமேஷன் திரைப்படப் பிரிவில், பரிசீலனையில் உள்ள 35 படங்களின் பட்டியல் வெளியிடப் பட்டுள்ளது. அதில் ‘ஆர்கோ’, ‘எலியோ’, 'ஜூடோபியா 2', 'கே-பாப் டெமான் ஹன்டர்' உள்ளிட்ட படங்களுடன் ‘மகாவதார் நரசிம்மா’ போட்டியிடுகிறது.