அல்லு அர்ஜுன் நடிக்கவுள்ள அடுத்த படத்தினை லோகேஷ் கனகராஜ் இயக்கவிருப்பது உறுதியாகி இருக்கிறது.
அட்லி இயக்கத்தில் உருவாகி வரும் படத்தில் கவனம் செலுத்தி வருகிறார் அல்லு அர்ஜுன். இதனை சன் பிக்சர்ஸ் நிறுவனம் தயாரித்து வருகிறது. இப்படத்தினைத் தொடர்ந்து அல்லு அர்ஜுன் நடிக்கவுள்ள அடுத்த படத்தின் இயக்குநர் யார் என்று பல்வேறு தகவல்கள் வெளியாகி வந்தன. இறுதியாக லோகேஷ் கனகராஜ் இயக்கத்தில் நடிப்பது உறுதியாகியுள்ளது.
தற்போது அல்லு அர்ஜுன் – லோகேஷ் கனகராஜ் இணையும் படத்தினை அதிகாரபூர்வமாக அறிவித்திருக்கிறார்கள். மைத்ரி மூவி மேக்கர்ஸ் நிறுவனம் தயாரிக்கும் இப்படத்தின் படப்பிடிப்பு இந்தாண்டே தொடங்கவுள்ளது. இப்படம் தொடர்பான அறிமுக வீடியோ ஒன்றை படக்குழு வெளியிட்டுள்ளது. இதன் இசையமைப்பாளராக அனிருத் ஒப்பந்தமாகி இருக்கிறார்.
அல்லு அர்ஜுன் – லோகேஷ் கனகராஜ் இணையும் படம் பெரும் பொருட்செலவில் உருவாகிறது. இப்படம் ‘இரும்புக்கை மாயாவி’ தான் என தகவல்கள் வெளியாகியுள்ளன. ஆனால், படக்குழுவினர் இன்னும் இதனை உறுதிப்படுத்தவில்லை.
