அட்லி இயக்கத்தில் அல்லு அர்ஜுன் நடிக்கும் சயின்ஸ் பிக் ஷன் படம் ‘ராக்கா’. ஃபேன்டஸி ஆக் ஷன் படமான இதை சன் பிக்சர்ஸ் தயாரிக்கிறது. தீபிகா படுகோன் நாயகியாக நடிக்கிறார்.
ஜான்வி கபூர், ராஷ்மிகா மந்தனா உள்பட பலர் நடிக்கின்றனர். அல்லு அர்ஜுனின் 42-வது பிறந்த நாளை முன்னிட்டு இப்படத்தின் தலைப்பையும் அவரது தோற்றத்தையும் படக்குழு வெளியிட்டிருந்தது. அல்லு அர்ஜுனின் வித்தியாசமான லுக் வரவேற்பைப் பெற்றிருந்தது. இந்நிலையில், இதில் ஷாருக்கான் கவுரவ வேடத்தில் நடிக்க இருப்பதாகக் கூறப்படுகிறது.
ரஜினியின் ‘ஜெயிலர் 2’ படத்தில் இருந்து விலகிய ஷாருக்கான், இதில் நடிக்க இருக்கிறார். அட்லி இயக்கிய ‘ஜவான்’ படத்தில் ஷாருக்கான் நடித்திருந்தார். அந்தப் படம் ஆயிரம் கோடிக்கும் மேல் வசூலித்தது. அந்த நட்பின் அடிப்படையில் ‘ராக்கா’ படத்தில் அவர் கவுரவ வேடத்தில் நடிக்க இருப்பதாகத் தகவல் வெளியாகியுள்ளது. இதுகுறித்த அதிகாரப்பூர்வ அறிவிப்பு வெளியாக இருக்கிறது.
