சாகுந்தலம் புதிய ரிலீஸ் தேதி அறிவிப்பு

சமந்தா நடித்துள்ள ‘சாகுந்தலம்’ படத்தைத் தெலுங்கு இயக்குநர் குணசேகர் இயக்கியுள்ளார். மலையாள நடிகர் தேவ் மோகன் உட்பட பலர் நடித்துள்ளனர். மணிசர்மா இசையமைத்துள்ளார்.

தமிழ், தெலுங்கு, மலையாளம், கன்னட மொழிகளில் உருவாகியுள்ள இந்தப் படம் கடந்த ஆண்டு நவ. 4-ம் தேதி வெளியாகும் என தெரிவிக்கப்பட்டிருந்தது. பின்னர் 3டி தொழில்நுட்பத்துக்கு மாற்றுவதாகக் கூறி, பிப்.17ம் தேதிக்கு வெளியீட்டைத் தள்ளி வைத்தனர்.

ஆனால், ‘சாகுந்தலம் படத்தை வருகிற 17-ம் தேதி ரிலீஸ் செய்ய முடியாது. விரைவில் புது ரிலீஸ் தேதி அறிவிக்கப்படும்' என்று படக்குழு அறிவித்தது. இந்நிலையில் புதிய ரிலீஸ் தேதியை அறிவித்துள்ளனர். அதன்படி, ஏப். 14-ம் தேதி இந்தப் படம் வெளியாகிறது.