ராஜமவுலி இயக்கிய ‘ஆர்ஆர்ஆர்’ படம் சூப்பர் ஹிட்டானது. இதில் ஜூனியர் என்.டி.ஆர்., ராம்சரண், ஆலியா பட், அஜய்தேவ்கன் உட்பட பலர் நடித்திருந்தனர். இந்தப் படத்தை ஆஸ்கர் விருதுக்கு படக்குழு அனுப்பியிருக்கிறது. அதற்கான புரமோஷனில் இருக்கிறார் ராஜமவுலி. அடுத்து மகேஷ்பாபு நடிப்பில் அவர் இயக்கும் படம் பிரம்மாண்ட பட்ஜெட்டில் உருவாகிறது.
‘இண்டியானா ஜோன்ஸ்’ போல ஆக்ஷன் அட்வென்சர் படம் என்றும் உலகம் முழுவதும் படமாக்கப்பட இருப்பதாகவும் சமீபத்தில் தெரிவித்திருந்தார் ராஜமவுலி. இதனால் அதற்கு இப்போதே எதிர்பார்ப்பு அதிகரித்துள்ளது. இந்நிலையில் இந்தப் படத்தில் நாயகியாக தீபிகா படுகோன் நடிக்க இருப்பதாகக் கூறப்படுகிறது. அதற்கான பேச்சுவார்த்தை நடந்து வருவதாகவும் அடுத்த வருடம் படப்பிடிப்பு தொடங்கும் என்றும் கூறப்படுகிறது.