வெளிநாட்டில் அறுவை சிகிச்சையா? - பூஜா ஹெக்டே மறுப்பு

தமிழில், ஜீவாவுடன் ‘முகமூடி’, விஜய் ஜோடியாக ‘பீஸ்ட்’ படங்களில் நடித்திருப்பவர் பூஜா ஹெக்டே. இந்தி, தெலுங்கு படங்களிலும் நடித்து வரும் இவர் இப்போது, மகேஷ்பாபுவுடன் தெலுங்கு படம் ஒன்றிலும் சல்மான் கானுடன் இந்திப் படத்திலும் நடித்து வருகிறார்.

இவர் கடந்த ஆகஸ்ட் மாதம் வெளிநாடு சென்றிருந்தார். அங்கு அவர் தனது மூக்கில் அறுவை சிகிச்சை செய்து கொண்டதாகத் தகவல்கள் வெளியாயின. இந்நிலையில், இந்த தகவலை அவர் தரப்பு மறுத்துள்ளது. “பூஜாவுக்கு உடல்நலப் பிரச்னை ஏதுமில்லை. எந்த விதமான அறுவைச் சிகிச்சையும் வெளிநாட்டில் மேற்கொள்ளவில்லை” என்று தெரிவித்துள்ளது.