‘அர்ஜுன் ரெட்டி’ விஜய் தேவரகொண்டா படத்துக்கு இசையமைக்கிறார் ஜஸ்டின் பிரபாகரன்.
விஜய் சேதுபதி, ஜெயப்பிரகாஷ், துளசி, ஐஸ்வர்யா ராஜேஷ் நடித்த ‘பண்ணையாரும் பத்மினியும்’ படத்தின் மூலம் இசையமைப்பாளராக அறிமுகமானவர் ஜஸ்டின் பிரபாகரன். தொடர்ந்து ‘ஆரஞ்சு மிட்டாய்’, ‘ஒருநாள் கூத்து’, ‘ராஜா மந்திரி’, ‘உள்குத்து’, ‘காலக்கூத்து’, ‘தொண்டன்’, ‘ஒரு நல்ல நாள் பாத்து சொல்றேன்’ ஆகிய படங்களுக்கு இசையமைத்துள்ளார்.
தற்போது சமுத்திரக்கனி இயக்கத்தில் சசிகுமார் நடிக்கும் ‘நாடோடிகள் 2’, அதர்வா நடிக்கும் ‘ஒத்தைக்கு ஒத்த’, எஸ்.ஜே.சூர்யாவின் பெயரிடப்படாத படம் ஆகிய படங்களுக்கு இசையமைத்து வருகிறார்.
இந்நிலையில், ‘அர்ஜுன் ரெட்டி’ விஜய் தேவரகொண்டா நடிக்கும் பெயரிடப்படாத தெலுங்குப் படத்திற்கு இசையமைக்கிறார் ஜஸ்டின் பிரபாகரன். இதுதான் இவருக்கு முதல் தெலுங்குப் படம். இந்தப் படத்தை பரத் கம்மா இயக்குகிறார். ‘மரோ பிரபஞ்சம்’ என்ற குறும்படத்தில் பரத்தும் ஜஸ்டினும் ஏற்கெனவே இணைந்து பணியாற்றியிருக்கின்றனர்.