ஒரே படத்தில் நயன்தாராவுடன் தமன்னா

நயன்தாரா நடித்துவரும் தெலுங்குப் படத்தில், இன்னொரு ஹீரோயினாக தமன்னாவும் ஒப்பந்தம் செய்யப்பட்டுள்ளார்.

சுரேந்தர் ரெட்டி இயக்கத்தில் உருவாகிவரும் படம் ‘சை ரா நரசிம்ம ரெட்டி’. ராயலசீமாவில் வாழ்ந்த சுதந்திரப் போராட்ட வீரர் உய்யலவாடா நரசிம்ம ரெட்டியின் வாழ்க்கை வரலாற்றை அடிப்படையாகக் கொண்டு இந்தப் படம் எடுக்கப்பட்டு வருகிறது. அவருடைய கேரக்டரில் சிரஞ்சீவி நடிக்கிறார். இது சிரஞ்சீவியின் 151வது படம். சிரஞ்சீவியின் மகனும், நடிகருமான ராம் சரண், தன்னுடைய கோனிடேலா புரொடக்‌ஷன்ஸ் மூலம் இந்தப் படத்தைத் தயாரிக்கிறார்.

சிரஞ்சீவி ஜோடியாக நயன்தாரா நடிக்க, அமிதாப் பச்சன், ஜெகபதி பாபு, விஜய் சேதுபதி, சுதீப் ஆகியோர் முக்கிய வேடங்களில் நடிக்கின்றனர். தெலுங்கு, தமிழ் மற்றும் இந்தியில் உருவாகிவரும் இந்தப் படம், 150 கோடி ரூபாய் செலவில் எடுக்கப்பட்டு வருகிறது. இந்தப் படத்தில், இன்னொரு ஹீரோயினாக தமன்னா ஒப்பந்தம் செய்யப்பட்டுள்ளார். மிகப்பெரிய நட்சத்திரங்கள் நடிப்பதால், இந்தப் படத்துக்கு இப்போதே எதிர்பார்ப்பு எழுந்துள்ளது.