ஆஸ்கர் விருது பெற்ற பிரபல ஹாலிவுட் நடிகர் டாம் ஹாங்க்ஸ். பிலடெல்பியா, பாரஸ்ட் கம்ப், கேட்ச்மி இஃப் யு கேன், த டெர்மினல், த பசிபிக் உள்பட பல படங்களில் நடித்துள்ளார்.
இவர் இப்போது அமெரிக்க முன்னாள் அதிபர் ஆபிரகாம் லிங்கனாக நடிக்க இருக்கிறார். ஜார்ஜ் சாண்டர்ஸ் எழுதி, 2017-ம் ஆண்டு வெளியாகி புக்கர் பரிசை வென்ற ‘லிங்கன் இன் த பார்டோ’ என்ற நாவலின் அடிப்படையில் உருவாகும் படம் இது.
அமெரிக்க உள்நாட்டுப் போர் நடந்து கொண்டிருந்த 1862-ம் ஆண்டு காலத்தில், அதிபர் ஆபிரகாம் பங்கனின் 11 வயது மகன் வில்லி உயிரிழந்தார். அதைத் தாங்க முடியாத ஆபிரகாம் லிங்கன் ரகசியமாகத் தனது மகனின் கல்லறைக்குச் சென்று, அவனது உடலைக் கட்டிப்பிடித்து அழுதார் என்று சில தகவல்கள் இருக்கின்றன.
இந்தச் சம்பவத்தை அடிப்படையாக வைத்து இந்த நாவல் எழுதப்பட்டுள்ளது. இந்தக் கதையின் பின்னணியில் உருவாகும் இப்படத்தை இயக்கி தயாரித்து, ஆபிரகாம் லிங்கனாக நடிக்கிறார் டாம் ஹாங்க்ஸ்.
