Published : 06 Jan 2021 14:13 pm

Updated : 06 Jan 2021 14:13 pm

 

Published : 06 Jan 2021 02:13 PM
Last Updated : 06 Jan 2021 02:13 PM

ஹாலிவுட் நடிகை டான்யா ராபர்ட்ஸ் காலமானார்: அதிகாரபூர்வ அறிவிப்பு

actor-tanya-roberts-passes-away-day-after-premature-death-declaration

80களின் பிரபலமான ஹாலிவுட் நடிகை டான்யா ராபர்ட்ஸ் காலமானார். அவருக்கு வயது 65.

டான்யா, கிறிஸ்துமஸுக்கு முன்தினம் தனது செல்ல நாயை நடைப்பயிற்சிக்கு அழைத்துச் சென்றார். வீடு திரும்பும்போது மயங்கிக் கீழே விழுந்தார். மருத்துவமனையில் அனுமதிக்கப்பட்ட அவருக்கு செயற்கை சுவாசக் கருவி பொருத்தப்பட்டது. அவர் உடல்நிலை சீராகவே இல்லை.


முன்னதாக ஞாயிற்றுக்கிழமை அன்று டான்யா இறந்துவிட்டதாக ஹாலிவுட் ஊடகங்கள் செய்தி வெளியிட்டன. ஆனால், டான்யாவின் கணவரான லான்ஸ் ஓ ப்ரையன், முதலில் தனது மனைவி இறந்துவிட்டதாக நினைத்ததால் ஊடகங்களிடம் தெரிவித்ததாகவும், தனது மனைவி இறக்கவில்லை என்றும், அவருக்கு மருத்துவமனையில் தீவிர சிகிச்சை அளிக்கப்பட்டு வருகிறது என்றும் தெரிவித்தார்.

தற்போது டான்யா ராபர்ட்ஸ் காலமானதாக அதிகாரபூர்வமாக அறிவிக்கப்பட்டுள்ளது. சிறுநீர்ப் பாதையில் ஏற்பட்ட பிரச்சினை அவரது சிறுநீரகம், கல்லீரல், பித்தப்பை என்று பரவி அவரது ரத்தத்திலும் கலந்ததன் விளைவாக டான்யா காலமானார்.

முதலில் மாடலாக விளம்பரங்களில் நடிக்க ஆரம்பித்த டான்யா, 'ஃபோர்ஸ்ட் என்ட்ரி' என்கிற திகில் படத்தின் மூலம் 1975ஆம் ஆண்டு திரையுலகில் நுழைந்தார். இன்னொரு பக்கம் 80களில் அமெரிக்காவில் பிரபலமான 'சார்லீஸ் ஏஞ்சல்ஸ்' என்கிற தொடரின் 5-வது சீஸனில் முக்கியக் கதாபாத்திரத்தில் நடித்தார்.

திரைப்படங்கள், சின்னத்திரை என்று நடித்து வந்தவருக்கு 'எ வியூ டு எ கில்' என்கிற ஜேம்ஸ் பாண்ட் படம் அதிக கவனத்தைப் பெற்றுத் தந்தது. வசூல் ரீதியாகப் பெரும் வெற்றி பெற்ற இந்தப் படம் நாயகன் ராஜர் மூர், ஜேம்ஸ் பாண்டாக நடித்த கடைசிப் படமாக அமைந்தது. மேலும் மிட்ஜ் பின்ஸியோட்டி என்கிற கதாபாத்திரத்தில் இவர் நடித்த 'தட் 70ஸ் ஷோ' என்கிற தொலைக்காட்சித் தொடரும் இவருக்குப் பெயர் வாங்கித் தந்தது.

தவறவிடாதீர்!


Tanya roberts deathBond girl diesA view to a killJames bond heroineHollywood heroine deathஹாலிவுட் நடிகை மறைவுடான்யா ராபர்ட்ஸ் மறைவுஜேம்ஸ் பாண்ட் நடிகைபாண்ட் திரைப்பட நாயகி

Sign up to receive our newsletter in your inbox every day!

You May Like

More From This Category

More From this Author

x