Published : 23 Jun 2020 14:50 pm

Updated : 23 Jun 2020 14:50 pm

 

Published : 23 Jun 2020 02:50 PM
Last Updated : 23 Jun 2020 02:50 PM

மீண்டும் பேட்மேன் கதாபாத்திரத்தில் மைக்கல் கீடன்?

michael-keaton-in-talks-to-return-as-batman-for-flash-movie

லாஸ் ஏஞ்சல்ஸ்

எஸ்ரா மில்லர் நடிப்பில் உருவாகவுள்ள 'தி ஃப்ளாஷ்' திரைப்படத்தில், பேட்மேன் கதாபாத்திரத்தில் நடிக்க நடிகர் மைக்கல் கீடனுடன் பேச்சுவார்த்தை நடைபெற்று வருகிறது.

1989 மற்றும் 1992-ம் ஆண்டு வெளியான 'பேட்மேன்' மற்றும் 'பேட்மேன் ரிட்டர்ன்ஸ்' ஆகிய திரைப்படங்களில் மைக்கல் கீடன் பேட்மேனாக நடித்திருந்தார். இரண்டு படங்களுமே மாபெரும் வெற்றி பெற்றன.

மேலும் 2014-ம் ஆண்டு வெளியான 'பேட்மேன்' திரைப்படத்தில், சூப்பர்ஹீரோ படங்களில் ஒரு காலத்தில் நடித்திருந்த நடிகர் என்ற கதாபாத்திரத்தில் கீடன் தோன்றியிருந்தார். தற்போது மீண்டும் கீடனை சூப்பர்ஹீரோ படங்களுக்குள் இழுக்க பேச்சுவார்த்தை நடைபெற்று வருகிறது.

ஏற்கனவே 'ஃப்ளாஷ்' கதாபாத்திரத்தை வைத்து தொலைக்காட்சி தொடர் எடுக்கப்பட்டுள்ளது. 'ஜஸ்டிஸ் லீக்' திரைப்படத்திலும் ஃப்ளாஷ் கதாபாத்திரம் தோன்றும். அந்த கதாபாத்திரத்தை வைத்து தனியாக உருவாகும் படத்தை 'இட்' திரைப்படத்தின் இயக்குநர் ஆண்டி முஷெட்டி இயக்குவதாக வார்னர் பிரதர்ஸ் நிறுவனம் அறிவித்துள்ளது.

மேலும் இந்தப் படத்திலும், பேட் கேர்ள் உள்ளிட்ட டிசி காமிக்ஸை தழுவி எடுக்கப்படும் மற்ற படங்களிலும் பேட்மேனாக நடிக்க கீடனை கேட்டுள்ளதாகவும் தெரிகிறது. அடுத்த வருட ஆரம்பத்தில் 'தி ஃப்ளாஷ்' படப்பிடிப்பு தொடங்கும் என்று எதிர்பார்க்கப்படுகிறது.

இதுவரை 'பேட்மேன்' கதாபாத்திரத்தில் பல்வேறு நடிகர்கள் நடித்துள்ளனர். க்றிஸ்டஃபர் நோலனின் 'பேட்மேன்' திரைப்பட வரிசையில் க்றிஸ்டியன் பேல், ஸாக் ஸ்னைடர் எடுத்த படங்களில் பென் ஆஃப்ளெக் ஆகியோர் பேட்மேனாக நடித்திருந்தனர். தற்போது மாட் ரீவ்ஸ் எடுத்து வரும் 'பேட்மேன்' திரைப்படத்தில் ராபர்ட் பாட்டின்ஸன் பேட்மேனாக நடித்து வருகிறார்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

பேட்மேன்பேட்மேன் கதாபாத்திரம்ஃப்ளாஷ் திரைப்படம்மைக்கேல் கீட்டன்பேட்மேன் திரைப்படம்Michael keatonBatman movieFlash movieOne minute newsமைக்கல் கீடன்எஸ்ரா மில்லர்

Sign up to receive our newsletter in your inbox every day!

You May Like

More From This Category

More From this Author