Published : 20 Jun 2020 12:58 pm

Updated : 20 Jun 2020 12:58 pm

 

Published : 20 Jun 2020 12:58 PM
Last Updated : 20 Jun 2020 12:58 PM

நானும் ஜெட்லியும் இப்போதும் நல்ல நண்பர்கள்தான்: ‘தி ஃபார்பிட்டன் கிங்டம்’ படம் குறித்த நினைவுகளைப் பகிர்ந்த ஜாக்கிசான்

jackie-chan-shares-memory-about-the-forbidden-kingdom

ஆசியாவின் மிகப்பெரிய சூப்பர் ஸ்டார்களில் ஒருவராக அறியப்படுபவர் ஜாக்கிசான். உலகம் முழுவதும் குழந்தைகள் முதல் பெரியவர்கள் வரை இவரது நகைச்சுவையுடன் கூடிய சண்டைகாட்சிகளை விரும்பாதவர்களே இருக்கமுடியாது எனலாம்.

இந்நிலையில் 2008 ஆம் ஆண்டு ஜெட்லியுடன் இணைந்து நடித்த ‘தி ஃபார்பிட்டன் கிங்டம்’ திரைப்படம் குறித்த பல்வேறு தகவல்களை ஜாக்கிசான் பகிர்ந்துள்ளார்.

இதுகுறித்து அவர் கூறியிருப்பதாவது:

''எனக்குத் திரைப்படங்கள் எடுப்பது மிகவும் பிடித்த விஷயம். ஏனென்றால் அப்போது யாருக்கும் பேட்டி கொடுக்க வேண்டியிருக்காது. பயணங்கள் செய்யவேண்டியிருக்காது. தொலைக்காட்சி நிகழ்ச்சிகளிலும் கலந்துகொள்ள வேண்டியிருக்காது.

‘தி ஃபார்பிட்டன் கிங்டம்’ படத்துக்காக ஒரே ஹோட்டலில் 4 மாதங்கள் தங்கியிருந்தேன். எனக்குப் பயிற்சி எடுக்க நிறைய நேரம் இருந்தது. திரைப்படங்கள் எடுப்பது எனக்கு மிகவும் பிடிக்கும். அதுவும் ஒரு பயிற்சிதான்.

‘தி ஃபார்பிட்டன் கிங்டம்’ முதல் நாள் பல வேடிக்கையான சம்பவங்கள் நடைபெற்றன. சண்டைப் பயிற்சிகள் முடிந்து ஒரு சண்டைக் காட்சியைப் படமாக்கத் தொடங்கினோம். நானும் ஜெட்லியும் எந்த ஒரு பன்ச்சையும் நாங்கள் விடவில்லை. எங்களுக்கு மிகுந்த மகிழ்ச்சியாக இருந்தது. ஆனால் இயக்குநரோ ‘இன்னொரு முறை போகலாம்’ என்றார். நானும் ஜெட்லியும் ஏன் என்று கேட்டோம். அதற்கு அவர் ‘நீங்கள் இருவரும் மிகவும் வேகமாக சண்டை போடுகிறீர்கள்’ என்றார். அப்போது நான் ஜெட்லியிடம், ‘மெதுவாக சண்டை போடுங்கள்’ என்றேன். பதிலுக்கு அவரும் ‘நீங்களும் மெதுவாக சண்டை போடுங்கள்’ என்றார். அந்தப் படத்துக்கு முன்னால் நாங்கள் இருவரும் நண்பர்களாக இருந்தோம். அதன்பிறகு மிகவும் நல்ல நண்பர்களாகி விட்டோம். இப்போதும் நண்பர்களாகவே இருக்கிறோம்''.

இவ்வாறு ஜாக்கிசான் கூறியுள்ளார்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

The forbidden kingdomJackie chanJet liதி ஃபார்பிட்டன் கிங்டம்ஜாக்கி சான்ஜெட்லீ

Sign up to receive our newsletter in your inbox every day!

You May Like

More From This Category

More From this Author