பிரபல ஹாலிவுட் நடிகர் வில் ஸ்மித் (56). இண்டிபண்டன்ஸ் டே, மென் இன் பிளாக், பேட் பாய்ஸ் உட்பட பல படங்களில் நடித்துள்ளார். இசைக்கலைஞருமான இவர், இசை ஆல்பங்களையும் வெளியிட்டுள்ளார். முதலில் சிலருடன் இணைந்து பாடல்களை வெளியிட்டு வந்த அவர், 1997-ம் ஆண்டு தனியாக ‘பிக் வில்லி ஸ்டைல்’ என்ற ஆல்பத்தை வெளியிட்டார். இது அப்போது வரவேற்பைப் பெற்றது. கடைசியாக, 2005-ம் ஆண்டில், ‘லாஸ்ட் அன்ட் பவுன்ட்’ என்ற ஆல்பத்தை வெளியிட்டிருந்தார்.
இப்போது 20 வருடங்களுக்குப் பிறகு ‘பேஸ்டு ஆன் எ ட்ரூ ஸ்டோரி’ என்ற தனது புதிய இசை ஆல்பத்தை அறிவித்துள்ளார். இது வரும் 28-ம் தேதி வெளியாக இருக்கிறது. இதில் 14 பாடல்கள் உள்ளன.