Published : 20 Jun 2020 21:01 pm

Updated : 20 Jun 2020 21:26 pm

 

Published : 20 Jun 2020 09:01 PM
Last Updated : 20 Jun 2020 09:26 PM

வாஜித் கானுக்கு சிறுநீரக தானம் அளித்த அண்ணி: இயக்குநர் ரூமி ஜாஃப்ரி நெகிழ்ச்சி

wajid-khan
சகோதர் சாஜித் கானுடன் வாஜித் கான் (வலதுபுறம் இருப்பவர்) | கோப்புப் படம்

மும்பை

மறைந்த இசையமைப்பாளர் வாஜித் கானுக்கு அவரது அண்ணி சிறுநீரக தானம் செய்திருந்தது தற்போது தெரியவந்துள்ளது.

பாலிவுட்டின் பிரபல இசையமைப்பாளர்கள் சாஜித்-வாஜித். பிரபல தபேலா கலைஞரான உஸ்தாத் ஷராஃபத் அலிகானின் மகன்களான இவர்கள் ‘தபாங்’ , ‘ஏக் தா டைகர்’, ‘வான்டட்’ உள்ளிட்ட பல படங்களுக்கு இசையமைத்துள்ளனர்.

1998-ம் ஆண்டு சல்மான்கான் நடித்த ‘பியார் கியா தோ தர்ணா க்யா’ படத்தின் மூலம் பாலிவுட்டில் இசையமைப்பாளர்களாக அறிமுகமான சாஜித்- வாஜித் சகோதரர்கள் அதன்பிறகு சல்மான்கானின் ஆஸ்தான இசையமைப்பாளர்களாக விளங்கினர். சமீபத்தில் வெளியான ‘ப்யார் கரோனா’ ‘பாய் பாய்’ ஆகிய சல்மான்கானின் இரு ஆல்பங்களுக்கு இசையமைத்திருந்தனர்.

சாஜித்- வாஜித் சகோதரர்களில் ஒருவரான வாஜித் கான் ஜூன் 1 அன்று உடல்நலக் குறைவால் காலமானார். சிறுநீரகப் பிரச்சினையால் அவதிப்பட்ட வந்த வாஜித்துக்கு சிறுநீரக மாற்று அறுவை சிகிச்சை நடைபெற்றது. அந்த சிறுநீரகத்தைத் தானமாகத் தந்தவர் சாஜித்தின் மனைவியும், வாஜித்தின் அண்ணியுமான லுப்னா என்பது தற்போது தெரிய வந்துள்ளது. இந்த விஷயத்தை கதாசிரியரும், இயக்குநருமான ரூமி ஜாஃப்ரீ கூறியுள்ளார். இவர் சாஜித் - வாஜித் சகோதரர்களின் குடும்ப நண்பர்.

"அந்த கால திரைப்படங்களில் தான் இது போன்ற விஷயங்களைப் பார்க்க முடியும். நிஜ வாழ்க்கையில் யார் இப்படியான தியாகங்களைச் செய்வார்கள்? வாஜித்தின் அண்ணி, அவருக்கு அம்மாவைப் போலத்தான் இருந்தார். தான் தானம் அளிக்கிறேன் என்பது வாஜித்துக்கு தெரியக் கூடாது என்று ரகசியமாகவே அவர் இதைச் செய்துள்ளார்" என்று ரூமி நெகிழ்ச்சியுடன் கூறியுள்ளார்.

2008-ம் ஆண்டு ரூமி இயக்கிய 'காட் டுஸீ க்ரேட் ஹோ' திரைப்படத்துக்கு சாஜித் - வாஜித் இருவரும் இசையமைத்திருந்தது நினைவுகூரத்தக்கது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

இயக்குநர் ரூமி ஜாஃப்ரிஇயக்குநர் ரூமி ஜாஃப்ரி பேட்டிஇயக்குநர் ரூமி ஜாஃப்ரி நெகிழ்ச்சிவாஜித் கான்வாஜித் கான் மறைவுவாஜித் கான் மரணம்வாஜித் கானுக்கு சிறுநீரக தானம்சிறுநீரக தானம்சாஜித் கான்சாஜித் கானின் மனைவிWajid khanWajid khan demiseOne minute news

Sign up to receive our newsletter in your inbox every day!

You May Like

More From This Category

More From this Author