‘ஆதிபுருஷ்’ படத்தின் சீதை லுக் வெளியீடு

ராமாயணத்தைத் தழுவி உருவாக்கப்பட்டுள்ள திரைப்படம், ‘ஆதிபுருஷ்’. ராமனாக பிரபாஸ், சீதையாக கீர்த்தி சனோன், ராவணனாக சைஃப் அலி கான் நடித்து வருகின்றனர். ஓம் ராவத் இயக்கியுள்ள இந்தப் படம் ஜூன் 16-ம் தேதி இந்தி, தமிழ், தெலுங்கு உட்பட பல்வேறு மொழிகளில் வெளியாக இருக்கிறது. 3-டி தொழில்நுட்பத்தில் உருவாகியுள்ள இந்தப் படத்தை டி-சீரிஸ் சார்பில் பூஷன் குமார் தயாரிக்கிறார். இதில் சீதையாக நடித்துள்ள கீர்த்தி சனோன் தோற்றத்தைப் படக்குழு வெளியிட்டுள்ளது. இது ரசிகர்களிடையே வரவேற்பைப் பெற்று வருகிறது.