Published : 01 Dec 2021 16:13 pm

Updated : 01 Dec 2021 16:13 pm

 

Published : 01 Dec 2021 04:13 PM
Last Updated : 01 Dec 2021 04:13 PM

மீண்டும் தள்ளிப் போன ‘தள்ளிப் போகாதே' ரிலீஸ்

thalli-pogathey-gets-postponed-once-again

பலமுறை தள்ளிவைக்கப்பட்ட ‘தள்ளிப் போகாதே’ படம் தற்போது மீண்டும் தள்ளிவைக்கப்பட்டுள்ளது.

ஆர்.கண்ணன் இயக்கத்தில் அதர்வா, அனுபமா பரமேஸ்வரன், அமிதாஷ் உள்ளிட்ட பலர் நடிப்பில் உருவாகியுள்ள படம் 'தள்ளிப் போகாதே'. இப்படத்துக்கு கோபி சுந்தர் இசையமைத்துள்ளார். தெலுங்கில் நானி நடிப்பில் வெளியாகி பெரும் வரவேற்பைப் பெற்ற 'நின்னு கோரி' படத்தின் தமிழ் ரீமேக் இது என்பது குறிப்பிடத்தக்கது. இந்தப் படத்தின் அனைத்து பணிகளும் முடிந்து வெளியீட்டுக்குத் தயாராகவுள்ளது.

ஏற்கெனவே பலமுறை வெளியீட்டுத் தேதி அறிவிக்கப்பட்டு அதன்பின்னர் இப்படம் ஒத்திவைக்கப்பட்டது.

இந்த சூழலில் கடந்த அக்டோபர் மாதம் வெளியாகும் என்று அறிவிக்கப்பட்ட இப்படம் பல்வேறு காரணங்களால் மீண்டும் தள்ளிவைக்கப்பட்டது. அதன்பின்னர் டிசம்பர் 3 அன்று வெளியாகும் என்று படக்குழு அதிகாரபூர்வமாக அறிவித்தனர்.

இந்நிலையில் தற்போது இப்படம் மீண்டும் தள்ளிவைக்கப்பட்டுள்ளதாக படக்குழு அறிவித்துள்ளது. புதிய வெளியீட்டுத் தேதியை விரைவில் படக்குழு அறிவிக்கும் என்று எதிர்பார்க்கப்படுகிறது.

தவறவிடாதீர்!

Thalli PogatheyThalli Pogathey gets postponedதள்ளிப் போகாதே'மீண்டும் தள்ளிப் போன ‘தள்ளிப் போகாதே' ரிலீஸ்Atharvaaஆர்.கண்ணன்

Sign up to receive our newsletter in your inbox every day!

More From This Category

More From this Author

x