Published : 24 Nov 2021 08:03 PM
Last Updated : 24 Nov 2021 08:03 PM

நலமாக வரவேண்டும் சகோதரரே: கமல் நலம் பெற வாழ்த்தி இளையராஜா ட்வீட்

கரோனா தொற்றால் பாதிக்கப்பட்ட கமல்ஹாசன் நலம் பெற வாழ்த்தி இசையமைப்பாளர் இளையராஜா ட்வீட் செய்துள்ளார்.

இது தொடர்பாக அவர் தனது ட்விட்டர் பக்கத்தில் "நலமாக வரவேண்டும் சகோதரரே. கலை உலகை ஆஹா என ஆச்சரியப்பட வைக்க வேண்டும். வாருங்கள் சீக்கிரம்" எனப் பதிவிட்டுள்ளார்.

— Ilaiyaraaja (@ilaiyaraaja) November 24, 2021

நடிகரும், மக்கள் நீதி மய்யம் கட்சியின் தலைவருமான கமல்ஹாசனுக்கு நேற்று கரோனா தொற்று உறுதி செய்யப்பட்டது. அமெரிக்கா சென்று திரும்பிய பின்னர் தனக்குத் தொற்று ஏற்பட்டுள்ளதாக அவர் தனது ட்விட்டர் பக்கத்தில் தெரிவித்திருந்தார். இதனைத் தொடர்ந்து அவர் சென்னையில் உள்ள ஸ்ரீ ராமச்சந்திரா மருத்துவமனையில் அனுமதிக்கப்பட்டு சிகிச்சை பெற்று வருகிறார்.

கமல்ஹாசனின் உடல்நிலை சீராக உள்ளதாக ராமச்சந்திரா மருத்துவமனை நிர்வாகம் நேற்று மாலை அறிக்கை வெளியிட்டது.
தமிழக முதல்வர் ஸ்டாலின், சீமான் உள்ளிட்ட அரசியல் தலைவர்களும், திரையுலக பிரபலங்கள் பலரும் கமல்ஹாசன் விரைந்து குணமடைய வேண்டி வாழ்த்து தெரிவித்தனர்.

இந்நிலையில் கமல்ஹாசன் பூரண நலம் பெற வாழ்த்தி இசையமைப்பாளர் இளையராஜா ட்வீட் செய்துள்ளார்.

தவறவிடாதீர்!

Sign up to receive our newsletter in your inbox every day!

 
x