Published : 14 Jul 2021 18:05 pm

Updated : 14 Jul 2021 20:47 pm

 

Published : 14 Jul 2021 06:05 PM
Last Updated : 14 Jul 2021 08:47 PM

வெறும் 98 விநாடிகள் தோன்றிய நடிகர் விருதுக்குப் பரிந்துரை: எம்மி விருதுகள் விநோதம்

don-cheadle-suprised-at-emmy-nomination

லாஸ் ஏஞ்சல்ஸ்

ஒரே ஒரு காட்சியில் 98 விநாடிகள் நடித்த நடிகர் டான் சீடில், தான் எம்மி விருதுக்குப் பரிந்துரைக்கப்பட்டது குறித்து ஆச்சரியம் தெரிவித்துள்ளார்.

அமெரிக்காவின் தொலைக்காட்சித் துறையில் சிறந்து விளங்குவோரை கவுரவிக்கும் பொருட்டு ஆண்டுதோறும் சிறந்த தொலைக்காட்சித் தொடர்கள், அதில் இடம்பெற்ற கலைஞர்கள் ஆகியோருக்கு எம்மி விருதுகள் வழங்கப்பட்டு வருகின்றன.


அகடமி ஆஃப் டெலிவிஷன் ஆர்ட்ஸ் அண்ட் சயின்ஸ், நேஷனல் அகடமி ஆஃப் டெலிவிஷன் ஆர்ட்ஸ் அண்ட் சயின்ஸ், இண்டர்நேஷனல் அகடமி ஆஃப் டெலிவிஷன் ஆர்ட்ஸ் அண்ட் சயின்ஸ் ஆகிய மூன்று நிறுவனங்கள் இணைந்து இந்த விருதுகளை அளித்துவருகின்றன.

2021 எம்மி விருதுகளில் பரிந்துரைக்கப்பட்டவர்களின் பட்டியல் செவ்வாய்க்கிழமை வெளியானது. இதில் தி க்ரவுன் மற்றும் தி மண்டலோரியன் நிகழ்ச்சிகள் அதிகபட்ச பரிந்துரைகளைப் பெற்றுள்ளன. இதில் மிகச்சிறந்த கவுரவத் தோற்றம் என்ற பிரிவில் நடிகர் டான் சீடில் பரிந்துரைக்கப்பட்டுள்ளார்.

டிஸ்னி + தளத்தில் ஃபால்கன் அண்ட் தி விண்டர் சோல்ஜர் வெப் சீரிஸில் தோன்றியதற்காக அவருக்கு இந்தப் பரிந்துரை கிடைத்துள்ளது. ஆனால் அந்தத் தொடரில் வெறும் 98 விநாடிகள் மட்டுமே சீடில் நடித்திருந்தார். அந்தக் காட்சியும் அவரது நடிப்புக்குச் சவாலான காட்சி என்றெல்லாம் இல்லாமல், சாதாரணமாகப் பிரதான கதாபாத்திரம் ஒருவருடன் உரையாடும் காட்சியாகவே அமைக்கப்பட்டிருந்தது.

எனவே, அவருக்கே ஏன் இந்த விருதுப் பரிந்துரை என்று பலரும் ஆச்சரியத்துடன் கேள்வியெழுப்பியுள்ளனர். குறிப்பாக டான் சீடிலே தனது ட்விட்டர் பக்கத்தில் தனது வியப்பை வெளிப்படுத்தியுள்ளார்.

"நல விரும்பிகளுக்கு நன்றி, வெறுப்பாளர்களே மன்னித்து விடுங்கள். எனக்கும் கூடத்தான் இது எப்படி என்று புரியவில்லை. எப்படியோ கிடைத்துவிட்டது. வாழ்க்கை ஓடுகிறது" என்று நகைச்சுவையுடன் ட்வீட் செய்துள்ளார்.

இதற்கு முன் 1999ஆம் ஆண்டு, 'ஷேக்ஸ்பியர் இன் லவ்' திரைப்படத்தில், 8 நிமிடம் மட்டுமே நடித்திருந்த நடிகை ஜூடி டென்ச் ஆஸ்கர் விருதுக்குப் பரிந்துரைக்கப்பட்டதோடு அந்தப் பிரிவில் விருதையும் வென்றார். டான் சீடிலின் பரிந்துரையும் அதுபோல இருப்பதாக நெட்டிசன்கள் சிலர் ஒப்பிட்டு வருகின்றனர்.


தவறவிடாதீர்!

எம்மி விருதுகள் பரிந்துரைடான் சீடில் விருதுஃபால்கன் அண்ட் தி விண்டர் சோல்ஜர்விருதுகள் விநோதம்Emmy award surpriseDon cheadle awardOutstanding guest actor award nomineeFunny nominationFalcon and the winter soldier nomination

Sign up to receive our newsletter in your inbox every day!

More From This Category

More From this Author

x