Published : 11 Jul 2021 19:03 pm

Updated : 11 Jul 2021 19:03 pm

 

Published : 11 Jul 2021 07:03 PM
Last Updated : 11 Jul 2021 07:03 PM

படப்பிடிப்பு நிறைவு; ஆண்டு இறுதியில் வெளியீடு: 'வலிமை' படக்குழுவினர் அதிகாரபூர்வ அறிவிப்பு

valimai-press-release

சென்னை

படப்பிடிப்பு முழுமையாக நிறைவுற்றது எனவும், இந்த ஆண்டு இறுதியில் படம் வெளியாகும் என்று 'வலிமை' படக்குழுவினர் அதிகாரபூர்வமாக அறிவித்துள்ளனர்.

ஹெச்.வினோத் இயக்கத்தில் அஜித் நடித்து வரும் படம் 'வலிமை'. போனி கபூர் தயாரித்து வரும் இந்தப் படத்தின் ஒளிப்பதிவாளராக நீரவ் ஷா, இசையமைப்பாளராக யுவன் ஆகியோர் பணிபுரிந்து வருகிறார்கள். இந்தப் படத்தின் பூஜை 2019-ம் ஆண்டு அக்டோபர் 18-ம் தேதி நடைபெற்றது.


அதனைத் தொடர்ந்து ஹைதராபாத்தில் படப்பிடிப்பு தொடங்கப்பட்டது. கரோனா அச்சுறுத்தலால் படப்பிடிப்பு தடைபட்டதால் படக்குழுவினர் எந்தவொரு தகவலையும் வெளியிடாமல் இருந்தனர். இன்று (ஜூலை 11) திடீரென்று 'வலிமை' படத்தின் ஃபர்ஸ்ட் லுக், மோஷன் போஸ்டர் ஆகியவற்றை வெளியிட்டு ரசிகர்களை மகிழ்வித்ததுள்ளது படக்குழு.

மேலும், அஜித்துடன் யாரெல்லாம் நடித்துள்ளார்கள், படப்பிடிப்பின் நிலவரம் உள்ளிட்ட அனைத்து தகவலையும் வெளியிட்டுள்ளது. அதன்படி, 'வலிமை' படப்பிடிப்பு முழுமையாக முடிவுற்றது. இந்த ஆண்டு இறுதியில் படத்தை வெளியிட திட்டமிட்டுள்ளது படக்குழு.

'வலிமை' படத்தில் அஜித்துடன் ஹியூஉமா குரோஷி, கார்த்திகேயா, பானி, சுமித்ரா, அச்சியுந்த் குமார், ராஜ் அய்யப்பா, யோகி பாபு, புகழ் உள்ளிட்ட பலர் நடித்துள்ளனர். எடிட்டராக விஜய் வேலுகுட்டி, சண்டைக் காட்சிகளை திலீப் சுப்பராயன், கலை இயக்குநராக கே.கதிர், ஆடை வடிவமைப்பாளராக அனுவர்தன் ஆகியோர் பணிபுரிந்துள்ளனர்.


தவறவிடாதீர்!

வலிமைவலிமை ஃபர்ஸ்ட் லுக்வலிமை மோஷன் போஸ்டர்அஜித்ஹெச்.வினோத்யுவன்போனி கபூர்ஹியூமா குரோஷிகார்த்திகேயாயோகி பாபுபுகழ்One minute newsValimaiValimai first lookValimai motion posterAjithHvinothYuvanBoney kapoorHuma qureshiKarthikeyaYogi babuPugazh

Sign up to receive our newsletter in your inbox every day!

More From This Category

More From this Author

x