Published : 21 Jun 2021 18:05 pm

Updated : 21 Jun 2021 18:07 pm

 

Published : 21 Jun 2021 06:05 PM
Last Updated : 21 Jun 2021 06:07 PM

விஜய் 65: 'பீஸ்ட்' திரைப்பட ஃபர்ஸ்ட் லுக் வெளியீடு

vijay-65th-movie-first-look

சென்னை

நடிகர் விஜய்யின் அடுத்த படத் தலைப்பும், முதல் பார்வை போஸ்டரும் வெளியாகியுள்ளது. இந்தப் படத்துக்கு 'பீஸ்ட்' என்று பெயர் வைக்கப்பட்டுள்ளது.

நெல்சன் திலீப்குமார் இயக்கத்தில் விஜய் நடிப்பில் உருவாகி வரும் படம் 'தளபதி 65'. ஜார்ஜியாவில் முதற்கட்டப் படப்பிடிப்பு மட்டுமே முடிந்துள்ளது. சன் பிக்சர்ஸ் நிறுவனம் தயாரித்து வருகிறது. முன்னதாக ஜூன் 22 அன்று விஜய் பிறந்த நாளுக்கு இந்தப் படத்தின் ஃபர்ஸ்ட் லுக்கை வெளியிடப் படக்குழு முடிவு செய்திருந்தது.


இதில் விஜய்க்கு நாயகியாக பூஜா ஹெக்டே நடித்து வருகிறார். இரண்டாம் கட்டப் படப்பிடிப்புக்காக சென்னையில் அரங்குகள் அமைக்கப்பட்டு வந்தன. அப்போதுதான் கரோனா 2-வது அலையின் தீவிரத்தால் அனைத்துப் பணிகளும் நிறுத்தப்பட்டன.

தற்போது கரோனா அச்சுறுத்தல் குறைந்து வருவதால், தமிழகத்தில் படப்பிடிப்புக்கு அனுமதி அளிக்கப்பட்டவுடன் 'தளபதி 65' படப்பிடிப்பு தொடங்கப்படவுள்ளது. இதனிடையே, ஜூன் 22-ம் தேதி விஜய் தனது 47-வது பிறந்த நாளைக் கொண்டாடவுள்ளார். இதற்காக ஏதேனும் பிரத்யேக அறிவிப்புகள் இருக்கும் என்று ரசிகர்கள் ஆவலுடன் காத்திருந்தார்கள்.

அவர்கள் எதிர்பார்ப்பை நிறைவேற்றும் வண்ணம் படத்தின் தலைப்பையும், முதல் பார்வை போஸ்டரையும் தயாரிப்புத் தரப்பு வெளியிட்டுள்ளது. இந்தப் படத்துக்கு 'பீஸ்ட்' என்று பெயர் வைக்கப்பட்டுள்ளது.

முன்னதாக படத்தின் அறிவிப்பு வரும்போதே பல்வேறு துப்பாகிகள் வரிசை கட்டியிருக்கும் படி ஒரு டீஸர் வெளியானது. எனவே, இந்தப் படம் முழுக்க ஆக்‌ஷன் படமாக இருக்கும் என்ற எதிர்பார்ப்பு இருந்தது. அதை உறுதி செய்யும் வகையில் முதல் பார்வை போஸ்டரிலும் விஜய்யின் முரட்டுத்தனமான தோற்றம், பின்னணியில் துப்பாக்கி என வடிவமைக்கப்பட்டுள்ளது.

தவறவிடாதீர்!

விஜய்விஜய்65தளபதி65நெல்சன்பூஜா ஹெக்டேசன் பிக்சர்ஸ்விஜய் 65தளபதி 65Vijay 65Thalapathy 65Vijay 65 first lookவிஜய் 65 ஃபர்ஸ்ட் லுக்பீஸ்ட்Beast

Sign up to receive our newsletter in your inbox every day!

More From This Category

More From this Author

x