Published : 21 Jun 2021 12:11 pm

Updated : 21 Jun 2021 12:11 pm

 

Published : 21 Jun 2021 12:11 PM
Last Updated : 21 Jun 2021 12:11 PM

நாயகனாக அறிமுகமாகும் லாரன்ஸின் தம்பி

lawrence-brother-elvin-debut

ஆக்ஸஸ் ஃபிலிம் ஃபேக்டரி தயாரிக்கும் ஒரு படத்தில் லாரன்ஸின் தம்பி எல்வின் நாயகனாக அறிமுகமாகிறார்.

தமிழ் சினிமாவின் முன்னணி நடிகராகவும், இயக்குநராகவும் இருப்பவர் ராகவா லாரன்ஸ். ‘முனி’, ‘காஞ்சனா’ உள்ளிட்ட பல படங்களை இயக்கி நடித்துள்ளார். லாரன்ஸின் இளைய சகோதரர் எல்வின். இவர் ‘காஞ்சனா 2’ படத்தில் இடம்பெற்ற ஒரு பாடலில் அறிமுகமானார். கடந்த ஆண்டு தனது தம்பியின் நடிப்பில் ஒரு படத்தைத் தயாரிக்க உள்ளதாக லாரன்ஸ் தனது ட்விட்டர் பக்கத்தில் அறிவித்தார். ஆனால், கரோனா அச்சுறுத்தலால் அப்படம் தாமதமானது.


இந்நிலையில் தற்போது ஆக்ஸஸ் ஃபிலிம் ஃபேக்டரி நிறுவனம் சார்பில் டில்லி பாபு தயாரிக்கும் ஒரு படத்தில் நாயகனாக நடிக்க எல்வின் ஒப்பந்தம் செய்யப்பட்டுள்ளார். இன்று (21.06.21) எல்வினின் பிறந்த நாளை முன்னிட்டு இதற்கான அதிகாரபூர்வ அறிவிப்பை ஆக்ஸஸ் ஃபிலிம் ஃபேக்டரி நிறுவனம் தனது ட்விட்டர் பக்கத்தில் வெளியிட்டுள்ளது.

மேலும், இப்படத்தில் எல்வினுடன் ராஜ்கிரண் ஒரு முக்கியக் கதாபாத்திரத்தில் நடிக்கிறார். அவரைத் தவிர மற்றொரு முன்னணி நடிகர் ஒருவரும் இப்படத்தில் நடிக்கிறார். மற்ற நடிகர் நடிகைகள், தொழில்நுட்பக் கலைஞர்கள் குறித்த அறிவிப்பு விரைவில் வெளியாகும் என்று கூறப்படுகிறது.


தவறவிடாதீர்!

ElvinLawrence brother elvinலாரன்ஸின் தம்பிஆக்ஸஸ் ஃபிலிம் ஃபேக்டரிஎல்வின்‘முனி’‘காஞ்சனா’Raghava Lawrence

Sign up to receive our newsletter in your inbox every day!

More From This Category

More From this Author

x