Published : 21 Feb 2021 17:32 pm

Updated : 21 Feb 2021 19:15 pm

 

Published : 21 Feb 2021 05:32 PM
Last Updated : 21 Feb 2021 07:15 PM

'உப்பெனா' இயக்குநர் இயக்கத்தில் ஜூனியர் என்.டி.ஆர்?

uppena-director-next-movie

ஹைதராபாத்

'உப்பெனா' இயக்குநர் புச்சிபாபு சனா இயக்கவுள்ள அடுத்த படத்தில் ஜூனியர் என்.டி.ஆர் நடிக்கவுள்ளதாகத் தகவல் வெளியாகியுள்ளது.

நடிகர் சாய் தரம் தேஜின் சகோதரர் வைஷ்ணவ் தேஜ் நாயகனாக அறிமுகமாகியுள்ள தெலுங்குப் படம் 'உப்பெனா'. நாயகியாக கீர்த்தி ஷெட்டி நடித்துள்ளார். இயக்குநர் சுகுமாரிடம் உதவி இயக்குநராக பணிபுரிந்த புச்சிபாபு சனா இயக்கியுள்ள இந்தப் படத்தில் வில்லனாக நடித்துள்ளார் விஜய் சேதுபதி. மைத்ரி மூவி மேக்கர்ஸ் நிறுவனம் தயாரித்துள்ள இந்தப் படம் பிப்ரவரி 12-ம் தேதி வெளியானது.

விமர்சன ரீதியாகவும், வசூல் ரீதியாகவும் மாபெரும் வரவேற்பைப் பெற்றுள்ளது. முதல் வாரத்திலேயே உலகளவில் சுமார் 70 கோடி ரூபாய் வசூல் செய்திருப்பதாகத் தயாரிப்பு நிறுவனம் அதிகாரபூர்வமாக தெரிவித்துள்ளது. இந்த வெற்றியால் 'உப்பெனா' படக்குழுவினர் பெரும் மகிழ்ச்சியில் இருக்கிறார்கள்.

'உப்பெனா' வெற்றியால் புச்சிபாபு சனா இயக்கவுள்ள அடுத்த படத்துக்கு பெரும் எதிர்பார்ப்பு உருவாகியுள்ளது. 2 படங்கள் கையெழுத்திட்டு இருப்பதால், மைத்ரி மூவி மேக்கர்ஸ் நிறுவனமே 'உப்பெனா' இயக்குநரின் அடுத்த படத்தையும் தயாரிக்கவுள்ளது.

இதில் ஜூனியர் என்.டி.ஆரை நடிக்க வைக்கப் பேச்சுவார்த்தை தொடங்கப்பட்டுள்ளது. அவருக்கும் 'உப்பெனா' படம் மிகவும் பிடித்திருப்பதால், அவர் சம்மதிக்க வாய்ப்புகள் அதிகம் எனத் தகவல் வெளியாகியுள்ளது. விசாகப்பட்டினத்தைப் பின்புலமாகக் கொண்டு விளையாட்டுக் கதை ஒன்றைத் தான் அடுத்ததாகப் படமாக்கவுள்ளார் புச்சிபாபு சனா.


தவறவிடாதீர்!

உப்பெனாஉப்பெனா இயக்குநர்புச்சிபாபு சனாஜூனியர் என்.டி.ஆர்மைத்ரி மூவி மேக்கர்ஸ்உப்பெனா இயக்குநரின் அடுத்த படம்One minute newsUppenaUppena directorBuchibabu sanaJunior ntr

Sign up to receive our newsletter in your inbox every day!

You May Like

More From This Category

More From this Author

x