Published : 12 Dec 2020 11:30 am

Updated : 12 Dec 2020 11:30 am

 

Published : 12 Dec 2020 11:30 AM
Last Updated : 12 Dec 2020 11:30 AM

அற்புதமான எதிர்காலத்துக்கு வாழ்த்துகள்: ரஜினிக்கு சிரஞ்சீவி ட்வீட்

chiranjeevi-tweet-for-rajini-birthday

ஹைதராபாத்

அரசியல் முயற்சி வெற்றியடைய வாழ்த்துகள் என்று ரஜினிக்குப் பிறந்த நாள் வாழ்த்து தெரிவித்துள்ளார் சிரஞ்சீவி.

நடிகர் ரஜினிகாந்த் இன்று (டிசம்பர் 12) தனது 70-வது பிறந்த நாளைக் கொண்டாடி வருகிறார். அவருக்கு அரசியல் தலைவர்கள், திரையுலகப் பிரபலங்கள், ரசிகர்கள் எனப் பலரும் வாழ்த்து தெரிவித்து வருகிறார்கள். ரஜினி தனது அரசியல் வருகையை உறுதி செய்திருப்பதால், இந்தப் பிறந்த நாள் அவருக்கு முக்கியமானதாகப் பார்க்கப்படுகிறது.


இந்நிலையில், தெலுங்குத் திரையுலகின் முன்னணி நடிகரும், ரஜினியின் நெருங்கிய நண்பருமான சிரஞ்சீவி தனது ட்விட்டர் பக்கத்தில் கூறியிருப்பதாவது:

"அன்புள்ள நண்பர் ரஜினிக்கு, 70-வது பிறந்த நாள் வாழ்த்துகள். அற்புதமான எதிர்காலத்துக்கும் வாழ்த்துகள். அரசியலில் உங்கள் கடின முயற்சி வெற்றியடைய வாழ்த்துகிறேன். உங்களுடைய தனித்துவமான ஸ்டைலால் கோடிக்கணக்கான மக்களின் இதயங்களை வென்றிருக்கிறீர்கள். மேலும் உங்களுடைய தனிவழியினால் அந்தக் கோடிக்கணக்கான மக்களுக்குச் சேவை செய்வீர்கள் என்று நம்புகிறேன். கடவுள் உங்களை ஆசிர்வதிக்கட்டும்".

இவ்வாறு சிரஞ்சீவி தெரிவித்துள்ளார்.

சில மாதங்களுக்கு முன்பு சிரஞ்சீவி அளித்த பேட்டியில், ரஜினி - கமல் இருவருமே அரசியலுக்கு வர வேண்டாம் என்று வேண்டுகோள் விடுத்திருந்தார். தற்போது ரஜினியின் அரசியல் வருகைக்கு சிரஞ்சீவி வாழ்த்துத் தெரிவித்திருப்பது குறிப்பிடத்தக்கது.

தவறவிடாதீர்!

RajiniRajini birthdayHappy birthday rajiniRajinikanthHappy birthday rajinikanthOne minute newsரஜினிரஜினி பிறந்த நாள்ரஜினி பிறந்த நாள் ஸ்பெஷல்ரஜினிகாந்த்திரையுலக பிரபலங்கள் வாழ்த்துரஜினிக்கு வாழ்த்துChiranjeeviChiranjeevi tweetChiranjeevi wishes rajiniசிரஞ்சீவிசிரஞ்சீவி ட்வீட்சிரஞ்சீவி வாழ்த்து

Sign up to receive our newsletter in your inbox every day!

More From This Category

More From this Author

x