Published : 23 Oct 2020 17:56 pm

Updated : 23 Oct 2020 17:56 pm

 

Published : 23 Oct 2020 05:56 PM
Last Updated : 23 Oct 2020 05:56 PM

'ஜஸ்டிஸ் லீக்' ஸ்னைடர் கட்டில் மீண்டும் ஜோக்கராக ஜாரெட் லெடோ

jared-leto-to-play-joker-again-in-zack-snyder-s-justice-league
சூஸைட் ஸ்க்வாட் திரைப்படத்தில் ஜோக்கராக ஜாரெட் லெடோ

இயக்குநர் ஸாக் ஸ்னைடரின் 'ஜஸ்டிஸ் லீக்' திரைப்படத்தில் ஜோக்கர் கதாபாத்திரத்தில் ஜாரெட் லெடோ நடிக்கவுள்ளார்.

2017-ம் ஆண்டு டிசி காமிக்ஸின் 'ஜஸ்டிஸ் லீக்' திரைப்படம் வெளியானது. ஏற்கெனவே டிசி சினிமா உலகில் 'மேன் ஆஃப் ஸ்டீல்', 'பேட்மேன் வெர்சஸ் சூப்பர்மேன்' உள்ளிட்ட படங்களை இயக்கிய ஸாக் ஸ்னைடர், 'ஜஸ்டிஸ் லீக்' திரைப்படத்தை இயக்கியிருந்தார். ஆனால், படத்தின் இறுதிக்கட்ட வேலைகளின்போது ஸ்னைடரின் மகள் தற்கொலை செய்து கொண்டதால் ஸ்னைடரால் படத்தின் வேலைகளைத் தொடர்ந்து கவனிக்க முடியாமல் போனது.


படத்தில் சில கூடுதல் காட்சிகளைச் சேர்க்க, 'அவெஞ்சர்ஸ்' முதல் இரண்டு பாகங்களை இயக்கிய ஜாஸ் வீடன் உதவியை ஸ்னைடர் ஏற்கெனவே நாடியிருந்ததால், வீடனை வைத்துப் படத்தை முடிக்க வைத்தது வார்னர் பிரதர்ஸ் நிறுவனம். தொடர்ந்து படத்தின் சில பகுதிகள் மீண்டும் படப்பிடிப்பு செய்யப்பட்டன. படம் வெளியாகி கடுமையான விமர்சனங்களைச் சந்தித்தது.

ஆனால், வெளியான படம், அசல் இயக்குநர் ஸாக் ஸ்னைடரின் பார்வையிலிருந்து விலகி விட்டதாகவும், ஸ்னைடர் எடுத்து முடித்த பதிப்பை வார்னர் பிரதர்ஸ் வெளியிட வேண்டும் என்றும் கோரிக்கைகள் எழுந்தன. இதனைக் கருத்தில் கொண்டு ஸ்னைடர் எடுத்த 'ஜஸ்டிக் லீக்' படம் ஓடிடியில் வெளியாகும் என்று வார்னர் ப்ரதர்ஸ் நிறுவனம் அறிவித்திருந்தது.

தற்போது இந்தப் படத்தின் சில பகுதிகள் மீண்டும் படமாக்கப்பட்டு வருகின்றனர். இதில், 2016ஆம் ஆண்டு 'சூஸைட் ஸ்குவாட்' திரைப்படத்தில் ஜோக்கர் கதாபாத்திரத்தில் நடித்திருந்த ஜாரெட் லெடோ மீண்டும் ஜோக்கர் கதாபாத்திரத்தில் நடிக்கவிருப்பதாக ஹாலிவுட் இணையதளங்கள் செய்தி வெளியிட்டுள்ளன.

இவரைத் தவிர பென் ஆஃப்ளெக், ரே ஃபிஷர், ஆம்பர் ஹியர்ட் ஆகியோரும் இந்தப் படத்தில் நடிக்கின்றனர். ஹெச்பிஓ மேக்ஸ் தளத்தில் அடுத்த வருடம் 4 பகுதிகளாக இந்த வடிவம் வெளியாகவுள்ளது.

தவறவிடாதீர்!

Justice LeagueJustice League snyder cutஜஸ்டிஸ் லீக் ஸ்னைடர் கட்JL snyderDC comicsZack SynderJared leto jokerஜாரெட் க்லெடோ ஜோக்கர்.

Sign up to receive our newsletter in your inbox every day!

You May Like

More From This Category

More From this Author

x