Published : 09 Oct 2020 06:18 PM
Last Updated : 09 Oct 2020 06:18 PM
யோகி பாபு நாயகனாக நடித்துள்ள 'பேய் மாமா' படத்தின் ஃபர்ஸ்ட் லுக் வெளியிடப்பட்டுள்ளது.
பல்வேறு நகைச்சுவைப் படங்களை இயக்கி பெயர் பெற்றவர் ஷக்தி சிதம்பரம். இறுதியாக பிரபுதேவா, பிரபு, நிக்கி கல்ராணி உள்ளிட்ட பலர் நடித்த 'சார்லி சாப்ளின் 2' படத்தை இயக்கியிருந்தார். அந்தப் படத்துக்குப் பிறகு வடிவேலு நாயகனாக நடிக்க 'பேய் மாமா' என்ற படம் பேச்சுவார்த்தையில் இருந்தது.
இறுதியில், அந்தக் கதையில் யோகி பாபு நாயகனாக நடிக்கத் தொடங்கப்பட்டது. இதில் ரேஷ்மா, ரமேஷ் கண்ணா, இமான் அண்ணாச்சி, வையாபுரி உள்ளிட்ட பலர் யோகி பாபுவுடன் நடித்துள்ளனர். 'பேய் மாமா' படத்தின் ஒட்டுமொத்தப் படப்பிடிப்பையும் குமுளியில் படமாக்கி முடித்துள்ளார் ஷக்தி சிதம்பரம்.
தற்போது இறுதிக்கட்டப் பணிகளில் கவனம் செலுத்தி வருகிறது படக்குழு. இந்தப் படத்தின் ஃபர்ஸ்ட் லுக் போஸ்டரை விஜய் சேதுபதி தனது ட்விட்டர் பக்கத்தில் வெளியிட்டு, படக்குழுவினருக்கு வாழ்த்துத் தெரிவித்துள்ளார்.
'தர்மபிரபு' படத்துக்குப் பிறகு யோகி பாபு நாயகனாக நடித்துள்ள படம் இதுவாகும்.
Congrats @iYogiBabu & team.
— VijaySethupathi (@VijaySethuOffl) October 9, 2020
Happy to share #PeiMama first look poster.
Directed by @sakthinchid @preetham_dr_ @musicrajaryan @mv_panneer @bakiyacinemass @Promounamravi1 @Pro_Bhuvan @LahariMusic @CtcMediaboy pic.twitter.com/3wpRQnKGwM
Sign up to receive our newsletter in your inbox every day!
WRITE A COMMENT