Published : 20 Sep 2020 16:01 pm

Updated : 20 Sep 2020 16:01 pm

 

Published : 20 Sep 2020 04:01 PM
Last Updated : 20 Sep 2020 04:01 PM

கமல் - லோகேஷ் கனகராஜ் கூட்டணியில் விஜய் சேதுபதி?

vijay-sethupathi-in-kamal-film

சென்னை

லோகேஷ் கனகராஜ் இயக்கத்தில் கமல் நடிக்கவுள்ள படத்தில் விஜய் சேதுபதி முக்கிய கதாபாத்திரத்தில் நடிக்கவுள்ளதாக தகவல் வெளியாகியுள்ளது.

'மாஸ்டர்' படத்துக்குப் பிறகு கமல் நடிக்கவுள்ள புதிய படத்தை இயக்கவுள்ளார் லோகேஷ் கனகராஜ். அனிருத் இசையமைக்கவுள்ள இந்தப் படத்தை ராஜ்கமல் நிறுவனம் தயாரிக்கவுள்ளது. இதற்காக முதற்கட்டப் பணிகள் மும்முரமாக நடைபெற்று வருகிறது. இது கமல் நடிப்பில் உருவாகும் 232-வது படமாகும்.

முன்னதாக, 'மாஸ்டர்' படத்தில் விஜய்க்கு வில்லனாக நடித்துள்ளார் விஜய் சேதுபதி. இதனால் லோகேஷ் கனகராஜ் - விஜய் சேதுபதி இருவருக்கும் இடையே நல்லதொரு நட்பு இருக்கிறது. மேலும், கமலுடன் நடிக்க ஆசைப்படுவதாகப் பல மேடைகளில் கூறியுள்ளார் விஜய் சேதுபதி.

இதனை வைத்து கமல் - லோகேஷ் கனகராஜ் கூட்டணியில் விஜய் சேதுபதி முக்கிய கதாபாத்திரத்தில் நடிக்கவுள்ளதாக தகவல் வெளியானது. இது உண்மையாக இருக்க வாய்ப்புள்ளது என்று பலரும் கருதினார்கள்.

ஆனால் இது தொடர்பாக விசாரித்த போது, "கமல் படத்தில் விஜய் சேதுபதி நடிக்கவில்லை. இது வெறும் வதந்தி தான்" என்று தெரிவித்தார்கள். தற்போது கமல் படத்திற்கான நடிகர்கள் மற்றும் தொழில்நுட்ப கலைஞர்கள் தேர்வில் தீவிரமாக பணிபுரிந்து வருகிறார் லோகேஷ் கனகராஜ்.


தவறவிடாதீர்!

KamalKamal haasanKamal 232Lokesh kanagarajVijay sethupathiRaajkamal internationalOne minute newsகமல்கமல் ஹாசன்கமல் 232லோகேஷ் கனகராஜ்விஜய் சேதுபதிராஜ்கமல் நிறுவனம்

Sign up to receive our newsletter in your inbox every day!

You May Like

More From This Category

More From this Author