Published : 10 Jul 2020 21:01 pm

Updated : 10 Jul 2020 22:39 pm

 

Published : 10 Jul 2020 09:01 PM
Last Updated : 10 Jul 2020 10:39 PM

சர்ச்சையில் சிக்கியுள்ள பிதா

pitha-in-trouble

சென்னை

மிஷ்கின் தயாரிப்பில் உருவாகும் பிதா படத்தின் போஸ்டரால் சர்ச்சை உருவாகியுள்ளது.

சில தினங்களுக்கு முன்பு 'பிதா' என்ற புதிய படத்தின் பூஜை நடைபெற்றது. இதன் புகைப்படங்கள் எல்லாம் இணையத்தில் வெளியாகி, பலரும் படக்குழுவினருக்கு வாழ்த்து தெரிவித்தார்கள்.

மிஷ்கினின் தம்பி ஆதித்யா இயக்கவுள்ள இந்தப் படத்தில் கலையரசன், ஆர்.ஜே.ரமேஷ் திலக், அனு கீர்த்தி வாஸ், ராதாரவி, மதியழகன் உள்ளிட்ட பலர் நடிக்கவுள்ளதாக அறிவித்தது படக்குழு. இதில் 'மஹா' மற்றும் 'பாக்ஸர்' படத்தின் தயாரிப்பாளர் மதியழகன் வில்லனாக நடிப்பது குறிப்பிடத்தக்கது.

இந்தப் படத்தை மிஷ்கின், ஸ்ரீ கிரீன் சரவணன் மற்றும் மாலிக் ஸ்ட்ரீம்ஸ் நிறுவனம் இணைந்து தயாரிக்கவுள்ளதாக அறிக்கையில் குறிப்பிட்டார்கள். மேலும், மூவரின் லோகோக்களும் படத்தின் போஸ்டரில் இடம்பெற்றது. இது தான் இப்போது சர்ச்சையாகியுள்ளது.

மாலிக் ஸ்ட்ரீம்ஸ் நிறுவனம் தங்களுடைய ட்விட்டர் பதிவில் சிறு கடிதத்தை வெளியிட்டுள்ளது. அதில் கூறியிருப்பதாவது:

"எங்கள் நிறுவனத்தின் லோகோவை ஸ்ரீக்ரீன் நிறுவனம் தயாரிக்கும் 'பிதா' என்ற படத்தின் போஸ்டரில் பார்த்தோம். அந்தப் படத்துக்கும் எங்களுக்கு எந்தவித தொடர்புமே இல்லை. ஆகையால், இனிமேல் எங்களுடைய நிறுவனத்தின் பெயரையோ, லோகோவையோ போஸ்டரில் உபயோகிக்க வேண்டாம் என்று கேட்டுக் கொள்கிறோம்"

இவ்வாறு மாலிக் ஸ்ட்ரீம்ஸ் நிறுவனம் தெரிவித்துள்ளது.

இன்னும் படப்பிடிப்பு தொடங்கவில்லை. அதற்கு படத்தின் போஸ்டரில் இன்னொரு நிறுவனத்தின் லோகோவை உபயோகப்படுத்தி சர்ச்சையில் சிக்கியிருக்கிறது படக்குழு.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

பிதாபிதா சர்ச்சைமிஷ்கின்இயக்குநர் ஆதித்யாகலையரசன்மதியழகன்மாலிக் ஸ்ட்ரீம்ஸ்PithaPitha issuePitha posterMysskinKalaiarasanOne minute news

Sign up to receive our newsletter in your inbox every day!

You May Like

More From This Category

More From this Author