Published : 08 Jul 2020 17:23 pm

Updated : 08 Jul 2020 17:23 pm

 

Published : 08 Jul 2020 05:23 PM
Last Updated : 08 Jul 2020 05:23 PM

விஜய் சேதுபதியின் 'துக்ளக் தர்பார்' ஃபர்ஸ்ட் லுக் வெளியீடு

tughlaq-durbar-first-look-released

சென்னை

விஜய் சேதுபதி, பார்த்திபன் நடிப்பில் உருவாகும் 'துக்ளக் தர்பார்' படத்தின் ஃபர்ஸ்ட் லுக்கை படக்குழு வெளியிட்டுள்ளது.

'மாமனிதன்', 'லாபம்', 'கடைசி விவசாயி', 'க/பெ ரணசிங்கம்', 'யாதும் ஊரே யாவரும் கேளிர்', 'துக்ளக் தர்பார்' உள்ளிட்ட பல படங்களில் கவனம் செலுத்தி வந்தார் விஜய் சேதுபதி. கரோனா அச்சுறுத்தலால் எந்தவொரு படத்தின் பணியும் நடைபெறாமல், வீட்டில் குழந்தைகளுடன் பொழுதைக் கழித்து வருகிறார்.

இதில் அறிமுக இயக்குநர் டெல்லி பிரசாத் தீனதயாளன் இயக்கத்தில் உருவாகி வரும் படம் 'துக்ளக் தர்பார்'. இதில் விஜய் சேதுபதி, பார்த்திபன், அதிதி ராவ், மஞ்சிமா மோகன், கருணாகரன், பக்ஸ் பெருமாள், ராஜ் உள்ளிட்ட பலர் நடித்து வருகிறார்கள். இதன் படப்பிடிப்பு சுமார் 50% வரை முடிந்துவிட்டது.

தற்போது இதன் ஃபர்ஸ்ட் லுக் போஸ்டரை வெளியிட்டுள்ளது படக்குழு. 'நானும் ரவுடிதான்' படத்துக்குப் பிறகு விஜய் சேதுபதி - பார்த்திபன் கூட்டணி இந்தப் படத்தில் இணைந்துள்ளது. முழுக்க அரசியல் பின்னணி கொண்ட களமாக இந்தப் படத்தின் கதையை உருவாக்கியுள்ளார் டெல்லி பிரசாத் தீனதயாளன்.

ஒளிப்பதிவாளராக மனோஜ் பரமஹம்சா மற்றும் இசையமைப்பாளராக கோவிந்த் வசந்தா ஆகியோர் பணிபுரிந்து வருகிறார்கள். இந்தப் படத்தை 'மாஸ்டர்' படத்தின் இணை தயாரிப்பாளரும், 'கோப்ரா', 'காத்துவாக்குல ரெண்டு காதல்', 'சீயான் 60' உள்ளிட்ட படங்களைத் தயாரித்து வரும் லலித் குமார் தயாரித்து வருகிறார்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

துக்ளக் தர்பார்விஜய் சேதுபதிடெல்லி பிரசாத் தீனதயாளன்பார்த்திபன்அதிதி ராவ்மஞ்சிமா மோகன்Tughlaq DurbarTughlaq Durbar first lookVijay sethupathiParthibanAditi raoManjima mohanOne minute newsலலித் குமார்Lalit kumar

Sign up to receive our newsletter in your inbox every day!

You May Like

More From This Category

More From this Author