Published : 02 Jul 2020 12:19 pm

Updated : 02 Jul 2020 12:19 pm

 

Published : 02 Jul 2020 12:19 PM
Last Updated : 02 Jul 2020 12:19 PM

''மகள் சாரா செய்ற 'கேக்'தான் இன்னைக்கு பிறந்த நாள் ஸ்பெஷல்!''- தொகுப்பாளினி அர்ச்சனாவின் ஆனந்தம்!

archana-interview
மகள் சாராவுடன் அர்ச்சனா.

ஜீ தமிழ் சேனல் தொகுப்பாளினி அர்ச்சனாவுக்கு இன்று பிறந்த நாள். ''பொதுவாகவே டிவி நிகழ்ச்சிகளில் 'துறுதுறு பரபர'வென வெடித்துத் தீர்க்கும் நீங்க இந்த 'லாக்டவுன்' நேரத்தில் பிறந்த நாளை எப்படிக் கொண்டாடப் போறீங்க?' என்ற கேள்வியோடு வாழ்த்தையும் தெரிவித்தோம்.

''எப்பவுமே பிறந்த நாளன்னைக்கு வெளியில போகற பழக்கம் எனக்கு இல்லை. முழுக்க குடும்பத்தோடுதான் இந்த வருஷமும். தன்னோட நெருக்கான ப்ரண்ட்ஸுக்கு பிறந்த நாள்னா, என் மகள் சாரா, அவளே கேக் தயாரிக்க ஆரம்பிச்சிடுவா? இன்னைக்கு அம்மாவோட 'பர்த் - டே'வாச்சே. விடுவாளா?

எனக்குப் பிடிச்ச வெண்ணிலா சாக்லேட் காம்பினேஷன் அல்லது ரெட் வெல்வெட் கேக் இதுங்க ரெண்டுல ஏதோ ஒரு கேக் ரெடி பண்ணியிருக்கா. 'ஈவ்னிங் வரைக்கும் அது சர்ப்ரைஸ்மா..!'ன்னும் சொல்லிட்டா?!.

டிவி நிகழ்ச்சிகளைத் தவிர, என்னோட இந்த 38 வயசுல என்னோட விருப்பத்துக்காக கொலுசு போட்டுக்கிற சந்தர்ப்பம் அமையவே இல்லை. சின்ன வயசுல இருந்தே எனக்கு கொலுசுன்னா அவ்ளோ உயிர். எப்படியாவது என்னோட கணவர்கிட்டே சொல்லி இந்த பர்த்டே-வுக்கு கொலுசு வாங்கி அணியனும்னு இருந்தேன். அந்தக் கனவும் இந்த ஊரடங்கால கரைஞ்சு போச்சு. கணவர் கடற்படை அதிகாரியா இருப்பதால அவருக்கு ஒருநாள் கூட விடுமுறை இல்லை.

இந்த முறை அடம்பிடித்து அழுது விடுமுறை வாங்கியிருக்கேன். அதுதான் எனக்கு இப்போ மிகப் பெரிய சந்தோஷம். அதோடு... என் அம்மா, தங்கை, அவளோட கணவர் என மொத்தக் குடும்பமும் இன்னைக்கு வீட்ல இருக்கோம். அதுவே ரொம்ப சந்தோஷம்.

எல்லாத்தோட ஸ்பெஷலா எப்பவுமே என்னோட குடும்ப நபர்களாக பார்க்குற என்னோட ரசிகர்களை, இன்ஸ்டாகிராம் வழியாவும், 'Wow Life' - யூடியூப் சேனல் வழியாவும் மாலை 5.30 மணிக்கு நேரலையில் இணையப்போறேன். இவ்ளோ சந்தோஷமும் இன்றைய ஸ்பெஷல்தான்!'' என்று கலகலப்பாக முடிக்கிறார், தொகுப்பாளினி அர்ச்சனா.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

ArchanaOne minute newsSaraArchana interviewஅர்ச்சனாஅர்ச்சனா பிறந்த நாள்மகள் சாராஅர்ச்சனா மகள் சாராஅர்ச்சனாவின் ஆனந்தம்தொகுப்பாளினி ஆனந்தம்

Sign up to receive our newsletter in your inbox every day!

You May Like

More From This Category

More From this Author