Published : 01 Jul 2020 21:50 pm

Updated : 01 Jul 2020 21:50 pm

 

Published : 01 Jul 2020 09:50 PM
Last Updated : 01 Jul 2020 09:50 PM

காவல்துறையில் இப்படிப்பட்ட கொடுமையா? - சாத்தான்குளம் சம்பவம் தொடர்பாக எஸ்.ஏ.சி. காட்டம்

sac-video-about-santhankulam-incident

சென்னை

காவல்துறையில் இப்படிப்பட்ட கொடுமையா என்று சாத்தான்குளம் சம்பவம் தொடர்பாக எஸ்.ஏ.சி. வீடியோ பதிவில் குறிப்பிட்டுள்ளார்.

தூத்துக்குடி மாவட்டம் சாத்தான்குளத்தில் ஊரடங்கின்போது கடை திறக்கப்பட்ட விவகாரத்தில் சாத்தான்குளம் போலீஸார், ஜெயராஜ் மற்றும் அவரது மகன் பென்னிக்ஸ் இருவரையும் அழைத்துச் சென்று தாக்கியதாகக் குற்றச்சாட்டு எழுந்தது. பின்னர் கோவில்பட்டி கிளைச் சிறையில் அடைக்கப்பட்ட மகனும் தந்தையும் அடுத்தடுத்து உயிரிழந்தனர். இந்த விவகாரம் தமிழகம் மட்டுமின்றி இந்தியா முழுவதும் அதிர்வலையை ஏற்படுத்தியுள்ளது.

இந்தச் சம்பவம் தொடர்பாக அரசியல் கட்சிகள் கடும் கண்டனம் தெரிவித்துள்ளன. மேலும், இந்த வழக்கு சிபிசிஐடி வசம் ஒப்படைக்கப்பட்டு விசாரணை தொடங்கப்பட்டுள்ளது. இதில் தலைமைக் காவலர் ரேவதி துணிச்சலாக சாட்சி கூறியுள்ளார். அவருக்குப் பலரும் நன்றியும், வாழ்த்தும் தெரிவித்து வருகிறார்கள்.

இதனிடையே சாத்தான்குளம் சம்பவம் தொடர்பாக இயக்குநர் எஸ்.ஏ.சி. வெளியிட்டுள்ள வீடியோ பதிவில் கூறியிருப்பதாவது:

"இந்தக் கரோனா ஒரு பயங்கரமான கொடிய வைரஸ் என்கிறார்கள். அதில் மாட்டிக் கொண்டவர்கள் கூட பலர் உயிருடன் திரும்பி வந்துவிடுகிறார்கள். ஆனால், இந்த சாத்தான்குளம் சம்பவத்தைக் கேள்விப்படும் போது, இப்படிப்பட்ட காவல்துறையினரிடம் மாட்டினால் என்னாவது என்று நினைக்கும்போதே ஈரக்குலை நடுங்குகிறது.

இந்தக் கரோனா காலத்தில் எத்தனை காவல்துறையினர் கடவுளின் பிரதிநிதிகளாக வேலை செய்தார்கள். அதை மறக்கவும் முடியாது, மறுக்கவும் கூடாது. அப்படிப்பட்ட காவல்துறையில் இப்படிப்பட்ட கொடுமையா? இந்தச் சாத்தான்கள் கடுமையாகத் தண்டிக்கப்பட வேண்டும். அதுவும் உடனடியாகத் தண்டிக்கப்பட வேண்டும். இவர்களைக் காப்பாற்ற நினைக்கிற யாரையும் மக்கள் மன்னிக்க மாட்டார்கள்".

இவ்வாறு இயக்குநர் எஸ்.ஏ.சி. தெரிவித்துள்ளார்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

சாத்தான்குளம்சாத்தான்குளம் சம்பவம்ஜெயராஜ்ஜெயராஜ் மரணம்பென்னிக்ஸ்பென்னிக்ஸ் மரணம்காவல்துறையினர் மீது குற்றச்சாட்டுஅரசியல் கட்சித் தலைவர்கள் கண்டனம்தமிழ்த் திரையுலக பிரபலங்கள் கண்டனம்இந்திய கிரிக்கெட் வீரர்கள் கண்டனம்பாலிவுட் பிரபலங்கள் கண்டனம்SanthankulamSanthankulam issueJayarajJayaraj deathJeyarajJeyaraj deathFenixFenix deathOne minute newsஎஸ்.ஏ.சிஎஸ்.ஏ.சி வீடியோஎஸ்.ஏ.சி கருத்துஎஸ்.ஏ.சி காட்டம்Sac videoVijay dad video

Sign up to receive our newsletter in your inbox every day!

You May Like

More From This Category

More From this Author