Published : 01 Jun 2020 12:30 pm

Updated : 01 Jun 2020 12:30 pm

 

Published : 01 Jun 2020 12:30 PM
Last Updated : 01 Jun 2020 12:30 PM

மறைந்த வாஜித் கானுக்கு கரோனா தொற்று இருந்தது: சகோதரர் தகவல்

wajid-khan-of-music-composer-duo-sajid-wajid-dies-due-to-coronavirus
புகைப்படத்தில் வலது புறம் இருப்பவர் வாஜித் கான்.

மறைந்த வாஜித் கானுக்கு கரோனா தொற்று இருந்ததாக அவரது சகோதரர் தெரிவித்துள்ளார்.

பாடகர், இசையமைப்பாளர் வாஜித் கான் கரோனா தொற்று காரணமாக காலமானார். 42 வயதான வாஜித் கானுக்கு ஏற்கனவே சிறுநீரகப் பிரச்சினைகள் இருந்தன.

வாஜித் கானுக்கு கரோனா தொற்று இருப்பது உறுதி செய்யப்பட்டிருந்தது. ஆனால், அவர் மாரடைப்பின் காரணமாக மரணமடைந்தார் என அவரது சகோதரர் சாஜித், பிடிஐ செய்தி நிறுவனத்திடம் கூறியுள்ளார்.

செம்பூர், சுரானா மருத்துவமனையில் வாஜித் கான் அனுமதிக்கப்பட்டிருந்தார். அவருக்கு சில மாதங்களுக்கு முன்னால் சிறுநீரக மாற்று அறுவை சிகிச்சை செய்யப்பட்டிருந்தது. சமீபத்தில் அவருக்கு சிறுநீரகத் தொற்று ஏற்பட்டது. இதுவே அவர் ஆரோக்கியம் மோசமாக மாறுவதற்கான தொடக்கமாக இருந்தது. கடந்த நான்கு நாட்களாக வென்டிலேட்டர் உதவியுடன் சுவாசித்து வந்தார். இதயம், சிறுநீரகம் பாதிக்கப்பட்ட நிலையில், கரோனா தொற்றும் இருந்ததால் அவருக்கு நோய் எதிர்ப்பு சக்தி மிகக் குறைவாக இருந்தது. இதனால் தொடர்ந்து அவரது நிலைமை மோசமாகியுள்ளது.

கடந்த 1998 ஆம் வருடம் சல்மான் கான் நடிப்பில் 'ப்யார் கியா தோ தர்னா க்யா' படத்தின் மூலம் சாஜித்-வாஜித் இணை பாலிவுட்டின் இசையமைப்பாளர்களாக அறிமுகமாயினர். தொடர்ந்து 'கர்வ்', 'தேரே நாம்', 'பார்ட்னர்', 'வாண்டட்', 'தபாங்' (வரிசை) என பல்வேறு சல்மான் கான் படங்களில் பணியாற்றினர். வாஜித் பல்வேறு சூப்பர் ஹிட் பாடல்களையும் பாடியுள்ளார்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

கரோனாகொரோனாவாஜித் கான்வாஜித் கானுக்கு கரோனாவாஜித் கானுக்கு சிறுநீரக தொற்றுவாஜித் கான் மரணம்வாஜித் கான் காலமானார்வாஜித் கானுக்கு இரங்கல்கரோனா தொற்றுகரோனா வைரஸ்கரோனா முன்னெச்சரிக்கை

Sign up to receive our newsletter in your inbox every day!

You May Like

More From This Category

More From this Author