Published : 01 Jun 2020 12:20 pm

Updated : 01 Jun 2020 12:20 pm

 

Published : 01 Jun 2020 12:20 PM
Last Updated : 01 Jun 2020 12:20 PM

ரீமேக் முயற்சியில் அவள் அப்படித்தான்

aval-appadidhan-remake

தமிழில் மீண்டும் 'அவள் அப்படித்தான்' படத்தை உருவாக்க பேச்சுவார்த்தைகள் நடைபெற்று வருகின்றன.

1978-ம் ஆண்டு ருத்ரய்யா இயக்கத்தில் ரஜினி, கமல், ஸ்ரீப்ரியா உள்ளிட்ட பலர் நடிப்பில் வெளியான படம் 'அவள் அப்படித்தான்'. இப்போது வரை இந்தப் படம் கொண்டாடப்பட்டு வருகிறது. காரணம், படத்தில் சொல்லப்பட்டு இருந்த மெசேஜ். பல்வேறு முன்னணி இயக்குநர்கள் கூட இந்தப் படம் குறித்து மிகவும் புகழ்ந்து பேசியிருப்பார்கள்.

தற்போது இந்தப் படத்தை ரீமேக் செய்யும் முயற்சியில் இறங்கியுள்ளார் இயக்குநர் பத்ரி. தற்போது 'ப்ளான் பண்ணி பண்ணனும்' படத்தை இயக்கி முடித்துள்ளார். அதனைத் தொடர்ந்து 'அவள் அப்படித்தான்' ரீமேக்கை இயக்க முடிவு செய்துள்ளார். இந்த ரீமேக்கிற்கு தயாரிப்பாளர் முடிவாகிவிட்டாலும், உரிமை யாரிடம் இருக்கிறது என்பதற்கான தேடலில் இறங்கியுள்ளார் பத்ரி.

ஸ்ரீப்ரியா கதாபாத்திரத்தில் ஸ்ருதிஹாசன், ரஜினி கதாபாத்திரத்தில் சிம்பு, கமல் கதாபாத்திரத்தில் துல்கர் சல்மான் அல்லது விஜய் தேவரகொண்டாவை நடிக்க வைக்கலாம் என்ற யோசனையையும் தெரிவித்துள்ளார். இதில் ஸ்ரீப்ரியா கதாபாத்திரத்தில் ஸ்ருதிஹாசன் நடிப்பது மட்டும் உறுதி எனவும் பத்ரி குறிப்பிட்டுள்ளார்.

வழக்கமாக இவரது படங்களுக்கு யுவன்தான் இசையமைப்பாளராகப் பணிபுரிவார். ஆனால், 'அவள் அப்படித்தான்' ரீமேக்கிற்கு இளையராஜாவுடன் பணிபுரிய ஆசை எனத் தெரிவித்துள்ளார் இயக்குநர் பத்ரி.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

அவள் அப்படித்தான்அவள் அப்படித்தான் ரீமேக்இயக்குநர் ருத்ரய்யாரஜினிகமல்ஸ்ரீப்ரியாஸ்ருதிஹாசன்சிம்புதுல்கர் சல்மான்விஜய் தேவரகொண்டாஇயக்குநர் பத்ரிஒரு நிமிட வாசிப்பு

Sign up to receive our newsletter in your inbox every day!

You May Like

More From This Category

More From this Author